〈自由廣場〉五日節 台灣味2010-06-15◎Ông Tsì-liông（改寫陳奎彰[Tân Kui-tsiong]老師个文章）

舊曆五月初五，台灣儂[lâng]叫做「五日節[tseh]」，老一輩是聽無「端午節[tsiat]」或者是「端陽節[tsiat]」。

早期，台灣儂hit工（當天）家[ke]家戶戶 就地取材，以榕樹个枝葉、香茅[hiong-mâu]以及hiānn（艾草）tsáng規tsáng（抓成束）掛tī家己徛家（自家）入口个門頂或者是牆頭頂 辟邪[phik-siâ]、驅蠓[khu-báng]；我（陳奎彰老師）嘛tuà（戴著）虎个造型个檀香包[tuânn-hiunn-pau]，俗稱「虎仔香[hiunn]」來辟邪、驅蠓。tī台灣 縛粽（包粽子）tsiânn做（成為）一種便利性个食品，hit工 方便每一个有公媽廳个家庭 以規捾（整串）个肉粽 祭拜祖先、祭拜家己徛家个地基主，嘛祭拜鄰近 無嗣[sû,後代]个有應公（無主孤魂）廟，了後才閣食。

平埔族儂 崇尚[siōng]自然崇拜，所以祭拜日神、月神、家己徛家个地祇[kî]神主、樹神、石頭神、江神、河神、井水神…等等。所以tī「五日節」hit工 以扒龍船（划龍舟）來祭江，表達服侍[sāi]（祭祀）駐[tū]水 死tī江--裡 無嗣个老大公[lāu-tuā-kong]（孤魂野鬼）等；嘛以扒龍船來謝江，表達感謝江水 賜hōo（給予）生活所需要个水資源。早期tī宜蘭或者是台灣各地 有「扒龍船」競賽以外，tī台中市南屯[tūn]（舊地名叫做犁頭店）嘛有「穿長木屐」競賽，tī新竹嘛有「觸[tak]烏龍仔（鬥蟋蟀）」等各種民俗活動。

台灣个「五日節」祭祀[sū]活動 對（從）tang時（何時）開始 無塊（無從）查考=ah（了），m̄-koh確定个是，門頂或者是牆頭頂 掛菖蒲[tshiong-pôo]、啉（喝）雄黃酒[hiông-hông-tsiú]是一九四九年新住民來台了後个中國世俗（習俗）。閣卡離譜个是，中國國民黨流亡政權來台了後，tī教科書、媒體 頂kuân kā咱洗腦講咱个「五日節」佮（跟）怹个愛國詩人 屈原[Khut-guân]跳（投）汨羅江[Bi̍k-lô-kang]憂國來死有關係，真正是咧練痟話（鬼扯）！