According to your device's language settings, we also offer English (Global).
06_粿的花草
06_粿的花草

06_粿的花草

Hip hop / Rap

  • 播放次數

    0

  • 喜歡

    0

06_粿的花草

06_粿的花草

lennontoolbar
lennontoolbar

發布時間 2021-06-02


合作音樂人

  • 藍濃道具屋

介紹

佇久長的漢文化內底,祭祀往往需要準備大量的牲醴佮花果,毋過遮的祭品毋是逐个人攏提會著,為著欲祭拜神明,虔誠的民眾,發展出共花草印佇對百姓來講嘛足珍貴的米食頂頭,來代替祭品,透過按呢的形式,就算無使用高級的祭品,逐家虔誠的心,終其尾會傳達予守護百姓的濟濟神明。

遮的花草毋是干焦看媠,定定嘛有真濟祝福的意義,每一款花草攏有獨一無二的象徵佮故事,下底咱欲紹介幾款仔經典的花草,予逐家了解傳統花草的奧妙。

龜紋
因為龜的壽命足長,所以成做長歲壽的代表,甚至過去嘛會使用龜殼來算命佮祭祀,因為龜真歹取得,自按呢發展出龜紋,嘛是上捷看的花草。六角形的龜殼內底,定定有刻『福』、『祿』、『壽』遮的字,加強長歲壽的意象。
兩个龜紋,兩倍長歲壽。葫蘆形的雙連龜紋,閣有『連續』的意義。無任何花草的麵龜,捏腰身了,嘛會當變做雙連龜。以一代二,雙倍吉祥、雙倍誠意。

桃紋
桃紋是對先民崇拜桃仔來的,先民認為桃仔代表驅邪避凶佮長歲壽。早年會佇枋仔頂面,畫桃紋,叫做『桃符』,是春聯的前身,掛佇門,驅邪避凶。
桃紋佮長歲壽的連結,是對西王母信仰來的,傳說西王母蹛的山頂,有一欉仙桃,三千年開花,三千年結果,三千年到分,食落了後會當長生不老,也就是因為按呢,桃紋有長生不老的意涵,桃紋內底甚至會加入壽紋,加強長歲壽的意象。

牽仔粿紋
牽仔粿紋閣叫做連錢紋,銅錢對中心向兩爿延伸,有『以錢牽錢』,『財富連綿』的意思,後世甚至發展出各種形式的連錢紋,只要是共錢連做伙,就會當叫做是連錢紋。

魚紋
有濟濟魚仔的故事佇無仝的民族流傳,逐家上知影的絕對就是魚躍龍門的故事。魚紋佇多民族融合了後,成做蓋有吉祥意義的花草,有『多產』、『吉祥』、『匯集財富』遮的意義。

...查看更多 收合

歌詞

這是沒有提供歌詞的歌曲