你已喜歡的歌曲（0）
lennontoolbar的歌曲
最新發布
p21_今朝美酒今朝醉
lennontoolbar
今朝美酒今朝醉 葡萄酒佇製造的過程，會因為品種、年份、製程遮的因素產生變化。甚至連種葡萄的土地、激酒的所在閣有參與的人，攏會當產生風土(Terroir)的特色。咱欲按怎開始試遮的氣味咧？ 杯仔 頭一步，準備一塊你佮意的杯仔，躼跤杯仔可能是上適合的一種選擇。飽圓的杯體，會當共芳氣包較久咧，啊長長的杯仔跤會當避免酒予手的溫度影響。 醒酒 拄激的酒因為口感較激烈，會當透過開罐醒酒來軟化單寧，而且予酒體的芳味更加敨放。不而過，有的人嘛佮意無醒酒的強烈刺激感，不妨加試看覓，了解家己興啥物。 色水 輕輕仔搖酒杯，觀察酒體佇杯壁頂頭的流動佮色水，有當時仔是透底的紅寶石色、有當時仔是深沉的紫色。我感覺美麗的色彩，就夠通予人醉茫茫。 芳氣 對保存佇飽圓杯體內底的芳氣，咱會當發現一寡趣味的氣味，比如講藍莓、樹莓、閣有濟濟熱帶果子的芳氣。 口感 啖一喙仔葡萄酒，而且感受佇喙內產生的酸、甜、苦、澀滋味，紲落來享受入喉的喉韻。 你若是希望會當學著閣較濟品酒的知識，透過參與課程，會當一改品飲毋仝的葡萄酒，認識𪜶的差別，嘛會當閣較了解家己興佗一味喔！
