05_天然餐具
lennontoolbar
合作音樂人
- 藍濃道具屋
介紹
近年來，環保意識愈來愈懸，予真濟人注意著使用天然植物來做餐具的可能。有佗一寡植物適合提來包食材咧？佇下面阮會紹介幾款仔臺灣捷用的植物予逐家，逐家不妨觀察一下，看蹛的附近有啥物植物！
若無確定植物有毒抑無毒，會當買親像粿紙這款烘焙用紙較安全。
月桃
臺灣捷看的植物，除了會當做粿紙，嘛會當用來縛粽。伊的果是足鮮的柿仔色，不止仔媠。
柚仔
倚葉仔柄的所在有翼葉是伊的特點。用來做粿紙的時陣，會有特殊的芳氣，雖然是較罕咧看的植物，毋過若有用，會當增加風味。
弓蕉
臺灣因為盛產弓蕉，過去予人稱做是弓蕉王國，所以一四界攏看會著，弓蕉葉大大片，蓋適合用來做盤仔。
粿葉樹
海邊仔真四常的防風植物，所以嘛定定予海邊仔人提來做粿紙。樹皮纖維嘛會當做索仔。
蝶仔花
發的時陣密密生，定定出現佇澹濕的田邊。白白白的花蕊，若像佇園裡飛來飛去的蝶仔，媠噹噹。
碧果草
原住民常在用來包米食的植物，除了炊熟瞭會當做伙食，幼葉仔嘛會當直接食。
歌詞
這是沒有提供歌詞的歌曲