葫蘆巷春夢（demo）
吳易叡 / HARRY WU
介紹
改寫自葉石濤同名小說〈葫蘆巷春夢〉。
...查看更多 收合歌詞
彎彎斡斡 踅去貓面的石仔路
覕佇舊臭的厝角 鼻著茉莉的香
歌聲的淒涼 是咧補誰人的破夢
寂寞的氣味 迵過伊的門縫
偷來暗去 轉來黯淡的無尾巷
窗外的日頭赤炎 曝無齷齪的睏房
無聊的日子 連鞭是無眠的eng暗
無閒的厝跤 一生拼無採工
攏是有情無緣 慣勢孤單的人
總是歹勢拒絕 拒絕伊溫柔的邀請
伊嫌我假意 怨嘆我的荏懶
問我敢敢 敢敢離開這的折磨
啊！彼暝的月光若水
彼暗的燈火閃閃爍爍
攏是淪落天涯 作伙𨑨迌人間
怎樣逐工厚操煩 日子過了攏仝款？
人生海海 那會傱無半項
只好告別這場 這場春夢