Sio mue （小妹）demo
Siàu-lú khah-lah/少女卡拉
介紹
Demo
真久以前，一个王子世家，厝內環境袂䆀，奶母的查某囝，佮王子親像兄妹仔仝款，兩个人做伙?迌，做伙大漢，感情深厚。
王子對小妹的盡心照顧，予小妹產生對阿兄的愛慕之心，毋過因為身份的關係，這兩个人無法度做伙，小妹只有恬恬仔共這份袂當講的感情，囥佇心肝穎仔裡。
行到這世，奧妙的緣份，阿兄轉世做阿姊，小妹雖然無機會通出世佇仝一个家庭，不而過，佇阿姊七歲彼年，?阿姑領養一个出世無偌久的紅嬰仔，這个紅嬰仔就是小妹。
兩姊妹仔雖然無血緣的關係，但是阿姊對小妹真疼痛，有啥物好空的，我有一份，你一定嘛是，兩个人總是形影不離，食飯讀書攏鬥陣，就按呢，這對姊妹仔慢慢仔大漢矣。
四年前，小妹雄雄來過身，時間一工一工過去，你古錐的形影猶原親像佇阮身邊。你一出世就是孤兒，希望藉幫助孤兒的力量，會當予你佇後世人投胎的時，去到有愛、用心疼惜你的家庭，予你快樂的成長。
兩世人欲相拄是真深的緣份，是一件真無簡單的代誌。做伙相處二十外年的時間，毋知你是按怎揣著我，毋過猶是感謝你行入我的性命。
因果迵三世，前世影響今世，今世所做影響後世，後世人我佮你會佇佗位咧？茫茫人海敢有可能會閣拄著你？無論未來如何，多謝你予我有遮濟美好的回憶。寫這條歌，送予你，向望猶有機會會當同齊佇仝一个家庭，做伙?迌，做伙生活，互相是上好的囡仔伴，佇充滿愛的環境做伙快樂成長。
...查看更多 收合歌詞
小妹
詞：丹霓
曲：tí ka
真久以前 我佮你
做伙大漢是麻吉
兄妹仔 小妹愛慕的心
將這份袂當講的感情
囥佇心肝穎仔裡
行到這世 我佮你
厝內的人共你抱來飼
姊妹仔 我有一份你一定嘛是
感情好 無法度拆分開
飛到天頂去 你的形影猶佇身邊
一年過一年 幫助孤兒幫助你
向望後世人 你會當出世佇
有愛的家庭 像阮共你疼入心
兩世人欲相拄無簡單
毋知你是按怎揣著我
二十外年的時間
多謝你行入我的性命
Dan
聽了就哭了
项吉吉
真好听
聿
:-)