學習民謠三部曲之三｜《學習民謠三部曲》－張錦桂

39
Tsē-huè a-î sio-tsio lâi
濟歲阿姨相招來
Beh kóng sim-sū hōo guá tsai
欲講心事予我知
Khîm-gē pháiⁿ o̍h guán bô ài
琴藝歹學阮無愛
Lín o̍h lâi kà guán khah si̍t-tsāi
恁學來教阮較實在
40
Khîm-gē o̍h bô tsin iàn-khì
琴藝學無真厭氣
Gue̍h-khîm kau hîng hia̍p-huē khì
月琴交還協會去
Khin-sang lâi tshiùⁿ bîn-iâu-si
輕鬆來唱民謠詩
Phuāⁿ lín khîm-siaⁿ lóng huaⁿ-hí
伴恁琴聲攏歡喜
41
Ha̍k-guân khuàⁿ-huat lóng it-tì
學員看法攏一致
Mê--sî suaⁿ-lōo bô piān-lī
暝時山路無便利 h khîm khò-tîng tsiām hòng-khì
學琴課程暫放棄
Bûn-kia̍t lāu-su tsí-tō tsia tsia̍t-tsí
文傑老師指導遮截止
42
Tshiùⁿ-khik ha̍k-si̍p bô thîng-tsí
唱曲學習無停止
Tsiân-óng Káng-kháu hóng Kuì-î
前往港口訪貴姨
Kuì-î kóo-lē pīng piáu-sī
貴姨鼓勵並表示
Gōo-tiāu kuan-kiān Su-siang-ki
五調關鍵思想起
43
Su-siang-ki nā liān si̍k-si
思想起若練熟悉
Kî-tha khik-tiāu hó o̍h khí
其他曲調好學起
Jú-lâi jú-o̍h jú tshù-bī
愈來愈學愈趣味
Sam kóng tsê hā bô thing-kî
三管齊下無停期
44
Siā-khu o̍h khîm tsiàⁿ khai-sí
社區學琴正開始
Kau-thong put piān bô thîng-tsí
交通不便無停止
Siā-khu tshun-khîm nn̄g saⁿ ki
社區賰琴兩三枝
Thui-tōng bô thîng suà--lo̍h-khì
推動無停紲落去
45
Kàu-siū put-sî lâi thê-tshíⁿ
教授不時來提醒
Liáu-kái tong-hā tsit nn̄g-jī
了解當下這兩字
Pá-ak tong-hā in-iân tsāi
把握當下因緣在
Tiû-tû put tsiân khang kî-thāi
躊躇不前空期待
46
Puàⁿ lāu khai-sí khì siōng-khò
半老開始去上課
Té-im tn̂g-tiāu jīn-tsin o̍h
短音長調認真學
Tú ū liông-su lâi tsí-tō
拄有良師來指導
Kòo-tiâu kóo-ūn bûn-huà pó
顧牢古韻文化寶
47
O̍h hó kóo-tiāu lâi thuân-sîng
學好古調來傳承
Tsia sī tióng-puè ê ting-lîng
遮是長輩ê叮嚀
Tst-pōo tst-ìn buē tàng thîng
一步一印袂當停
Siú-hōo kóo-ūn pò un-tsîng
守護古韻報恩情