檺共善林 feat.DJ ZeroW

詞曲sû-khik：阿雞 GLOJ
編曲pian-khik：柯建誠 Kepfunk
Scratch：DJ ZeroW
錄音師lio̍k-im-su：阿雞GLOJ
濫音(混音）師lām-im-su：DJ ZeroW
合音ha̍p-im：阿雞GLOJ、曾吉成
圖樣設計tô͘-iūⁿ siat-kè：Tainan黑名
感謝Kám-siā：石精臼開基共善堂、石精臼邢天府、曾吉成、楊景隆、Tainan黑名、阿東老師

舊年舊曆8/23
石精臼王爺邢天王聖誕千秋
我佇石精臼邢天府為邢王爺祝壽
咧跋爐主的時陣 幫查某囝予芯
跋五個聖桮 結算雖然不是上濟桮
毋過嘛是在場第三濟 所以成做兩頭家
為著幫女兒答謝佮還願 除了添香火
我咧想敢會使創作一首喋舌
來記錄一咧佮邢王爺的緣份
石精臼王爺 邢府千歲
第一首饒舌歌 《檺共善林》
全國串流平台攏聽的到！

台灣清治時期 郉天王威震百年
石精臼信仰中心 解憂愁嘛解籤詩
城內民眾百事寄託 逐家叫伊石精臼王爺
安頓家家戶戶安居樂業就會共善天下
代天巡狩天下事，判斷善惡察四方
奉旨掌管瘟皇事，加封瘟部主宰公
拜請郉威稱帝 保庇共心興善
拜請郉顯天皇 期待共揚慈善
經過日本時代 都市計畫 整治民族路
廣安共善合祀重建 郉王 寄佇天后宮
落尾香火興旺 地方紳士做伙相放伴
行過米街大稻埕 王爺釘根粗糠崎
猶原看顧 石精臼遐是伊的脈
猶原守護 士農工商的每一个
感謝鎮南媽的照顧 感謝ANIKI來開路
敬奉玉敕天皇殿保護大帝 郉天王
現在時代誠各樣，鬱卒心悶無事使
弟子一心專拜請，邢府千歲降臨來
毋管事業無順序 抑是囡仔歹搖飼
毋管工課無順利 抑是煮食無生理
毋管田園無夠肥 抑是水果無夠甜
毋管生活無頭神 抑是失敗無細膩
拜請拜請 邢府大天王，名揚四海世無雙
保護台南群黎 千載萬年展神光
信徒祈求小小心願囥佇心中
多數攏是希望規口灶會當身體健康
天王所在 精神原在
檺共善林霸氣展現魍魎毋敢倚過來
三百冬來毋但踮佇石精臼為主
增加任務致使分靈生湠規台灣
就親像牛頭牌的口味
感謝皮鞋童乩木生伯仔傳承 感謝四代服務注心
感謝郉王爺保庇一家伙仔使人尊重
敬奉玉敕天皇殿保護大帝 郉天王
現在時代誠各樣，鬱卒心悶無事使
弟子一心專拜請，邢府千歲降臨來
兩爿排班伺候 伺候
兩爿排班伺候 伺候
兩爿排班伺候 伺候
稟公爺回公堂 儀式