追追追

製作：鄭各均
錄音：蔡周翰／Lights Up Studio、林奕碩
混音：許主携／Bro Time Studio
後期：Mike Kalajian／Rogue Planet Mastering
鼓組技師：莊開旭
詞曲：陳明章
編曲：百合花（林奕碩、林威佐、陳奕欣）、鄭各均
主唱／電吉他／古典吉他／和聲：林奕碩
鼓組：陳奕欣
貝斯：林威佐

千江水／千江月／千里帆
Tshian kang suí, tshian kang ge̍h, tshian lí phâng
千江水／千江月／千里帆
Thousands of miles of water, moon, sails

千重山／千里江山／我上媠
Tshian tiông san, tshian-lí kang-san, guá siōng suí
千重山／千里江山／我最美
Miles of mountains and rivers, I am most lovely

萬里月／萬里城／萬里愁
Bān-lí ge̍h, bān-lí siânn, bān-lí tshiû
萬里月／萬里城／萬里愁
Of all the moons, cities, and worries

萬里煙／萬里風霜／我上妖嬌
Bān-lí ian, bān-lí hong-song, guá siōng iau-kiau
萬里煙／萬里風霜／我最妖嬌
The smoke, the wind and snow, I am most coy

啥物款的殺氣／啥物款的角色
Siánn-meh khuán ê sat-khì, siánn-meh khuán ê kak-sik
什麼樣的殺氣／什麼樣的角色
What intensity, what character

啥物款的梟雄／迫阮策馬墜風塵
Siánn-meh khuán ê hiau-hiông, pik gún tshik má tuī hong-tîn
什麼樣的梟雄／迫使我策馬墜風塵
What kind of hero forced me to plummet

啥物款的愛情／啥物款的墜落
Siánn-meh khuán ê ài-tsîng, siánn-meh khuán ê tuī-lo̍h
什麼樣的愛情／什麼樣的墜落
What kind of love, what kind of fall

啥物款的溫柔／予阮日夜攏想你
Siánn-meh khuán ê un-jiû, hōo gún li̍t-iā lóng siūnn lí
什麼樣的溫柔／使我日夜想著你
What tenderness makes me think of you

真久以前狼主的傳說／如今狼煙再起
Tsin-kú í-tsîng lông-tsú ê thuân-suat, jû-kin lông-ian tsài-khí
很久以前狼主的傳說／如今狼煙再起
The legends of kings of old have risen again

真久以前狼主的傳說／如今狼煙再起
Tsin-kú í-tsîng lông-tsú ê thuân-suat, jû-kin lông-ian tsài-khí
很久以前狼主的傳說／如今狼煙再起
The legends of kings of old have risen again

啊／追追追／追著你的心／追著你的人
Ah, tui tui tui, tui tio̍h lí ê sim, tui tio̍h lí ê lâng
啊／追追追／追著你的心／追著你的人
Chase chase chase, chasing your heart, chasing you

追著你的情／追著你的無講理
Tui tio̍h lí ê tsîng, tuī tio̍h lí ê bô kóng-lí
追著你的情／追著你的無講理
Chasing your love, chasing your irrationality

啊／煩煩煩／煩過這世人
Ah, huân huân huân, huân kè tsit-sì-lâng
啊／煩煩煩／煩過這一生
A bother, what a bother this life is

心肝挐氅氅／揣無酒來沃
Sim-kuann lû-tsháng-tsháng, tshē bô tsiú lâi ak
心裡亂糟糟／找不到酒來澆
My heart is torn and I can’t find a drink

厭氣啦／莫閣遐爾大聲對我講話
Iàn-khì--lah, mài koh hiah-nī tuā-siann tuì guá kóng-uē
怨嘆／別再那麼大聲對我說話
Sighing, don’t raise your voice at me

啊／亂亂亂／男人的心／豆腐做的
Ah, luān luān luān, lâm-lîn ê sim, tāu-hū tsuè--ê
啊／亂亂亂／男人的心／豆腐做的
What a mess, a man’s heart is made of tofu

為你破碎／任由針咧揻
Uī lí phò-tshuì, jîm-iû tsiam teh ui
為你破碎／任由針刺
Breaking for you, open for stabbing