D-crew X 紅蓮 - 無題
lemonching
介紹
歌詞
Lyrics:
T-Rexx
有人講我係一個冇出色既衰仔
睇死我 因覺得我冇黑色既軀體
我就係 咁頹廢 至少唔會虛偽
我揀e條路 不停步 直到我訓低
我要發板 但我被視為撒旦
遭人白眼可以點 唔通將佢地逐個插盲
我知 我唔可以 靠歌詞
搵兩餐飯 生活太過艱難
如果我係夢想家 希望我係John Lennon
你個心充滿窗花 你又點去Imagine
你地既規條 留俾你地自己遵循
對唔住 T-rexx 冇辦法變得溫馴
我憑藉自己既能力 尋覓自己既領域
留下自己既痕跡當我未沉寂
我繼續緊握武器 到斷氣
就算唔夠傳奇 都算原汁原味
Kris:
我冇諗過我會得到幾多認同
我明白呢個世界係唔會有大同
但係冇立場又話要發揚 呢樣果樣
既所謂英雄 我用精蟲黎形容
要靠將人踩低先可以上位 既傻仔
想囉威 仲想出黎做掌櫃
勸你量力而為 見好就收掣
將音量收細 喂喂喂到底
有幾多係大師有幾多係白痴
有幾多連自己做緊乜都唔知
我有獨立既思考 獨立既態度
毒辣既手法 我冇熟習到
空間所淨冇幾 係塊空地度踐踏
唔去擴大都冇必要將範圍再縮窄
以下 要睇你點拍你既續集
以上淺白既內容係我既獨白
Dan:
再係咁 我無辦法再忍
無人諗 無人問就以假亂真
同根生又為身份搞紛爭
力做新聞頭腦已經俾人沖昏 !!
要抗衡 定放任 問你內心
係呢樹做人仲要不聞不問
無道德無原則 人面獸心
出賣靈魂流下一連串禍根
爭骨頭用把口 一擔就走
爭崩頭冇人喉就走夾門口
走到最後 只係崛頭路口
未到盡到何必自困於局裡頭
我擺明無諗過報酬 打死擺就
就算大禍臨頭 都冇理由退後
唯有 執起雙手 抺走一切夢與愁
Lemon:
想要安全咁生存 係依個圈子
係咪一定要跟住 人地既路線
為道義 而開戰試圖成為武士
你想做個戰士 但我對戰士已經討厭
想走自己既路選擇既路 一路好走
並唔期望係路上可以 得到報酬
但係 有人話廢up 咪得 駛乜
咁努力 奴役 自己就可以囉第一
想我死於非命 散播風言風語
想我陷身囹圄 但我照樣頂住
你班 驕兵聲稱 要我 消聲匿跡
形成 一股壓力黎將我打擊
就憑你地班閒人用尺度 黎釐定我
不過 你未清楚 我係邊個
我並唔會怕你將貨比貨
就睇下 最後剩低既又會係邊個
Mc kin:
一路上太多小伙子 選擇煽風點火
目光短淺思想幼稚難怪未曾點過 冇錯
冇錯 你見我收起怒火行走
決意唔做只懂攻擊既 禽獸
keep住奔走 向前 因為條條大路通羅馬
就算跌倒 冇怨言 生命有好多籌碼
你怕成為輸家 唔敢落賭注
難怪你成為不折不扣 既過街老鼠
唔服輸 仲焗住 自己你井底
導致只迷戀 眼前既剎那光輝
一睇你身上含有 拒絕進化既抗體
眼光不停咁逃避所有存在既問題
懷住小孩既情懷 口裡面只懂談論別人既成敗
你問我最尾想得到幾多得分
我話只要有音樂 係心臟 我死都甘心