For My Hometown

蜂人：呢度已失去平衡 仲不断蒙骗紧一堆平民
贫富太悬殊太黑暗太污糟邋遢
忍无可忍係时候有人话要企出嚟撑
但和平游行却被野蛮人野蛮执行

有人选择不问 有人人云亦云
叫天不应叫地不问我哋唔係话要作反
我哋只係需要一個环境係可以住人
无謂自欺欺人 麻烦大家要抚心自问

呢度係点大家心知肚明係无得呃人
无得失实无得民心已失都仲要喺度死质烂质
死塞烂塞 塞满饱质
喂呢度仲係会有人会穷到都就嚟无得开饭

你哋却净係顾住自己开餐 顾住自己开心
顾住自己自保饭碗就乜都得
无论日后呢度边個话事或边個去执
一样唔以人为本係为自己嘅都係一样死得 会fuck dub

Alien a.k.a BB：世界應該係自由 國家應該係自由
人人應該有自由 呢度自由唔自由
太多人有心底說話全部欲言又止
有太多唔平等嘅事呢刻都仲未停止

又唔知幾時又再有嘢會被禁止
有大集會再上演 當人權開始賤價過廢紙
啲狗官繼續大話連篇 無法制止
又當人民係白痴 佢地繼續無恥

同樣係屬於呢片土地嘅孩子
同樣但係我好似揸住二等公民嘅牌子
人民上街示意 只為有更好嘅日子
麻煩俾我一個實踐 我唔係要一隻手指

同樣嘅一啲問題到而家都仲未明顯
問題唔解決 平等自由此終未見
仲要我信你話呢度有更好嘅明天
我念我要繼續揸緊中指 等到我死撚咗為止

KidD da Flow：我哋係呢度嘅市民 我哋為平等遊行
我哋要為民主鬥爭 為免成無業遊民
求神打救 求人幫手 不如靠自己出手
出走被毆 你話我鬥 我今次真係受夠

人民争取平等自由 嘅力量蕴酿已久
有上一代人企喺前頭 呢代继续殿後
面頭嘅你哋 睇落又幾咁顺解民意
但係喺背後嘅你哋 却係咁封殺民主

喺事情發生之後 你哋又有冇補救
不斷撒謊去掩飾 你哋就真係無得救
七九啲人冇持械 你哋就話人冇自制
話人哋自把自為不如話你要黑箱玩晒

事已至此 我都唔知 我哋仲可以點
我唔知 能否改變 唔知 會唔會改善,
我知 再咁落去再唔争取 就好快玩完
我知 呢首歌係我心裡 嘅說話送俾你 同埋For My Hometown