無題
KidD da FloW
介紹
歌詞
嚟到2011 我今年行年廿九，唔夠人哋富有亦都唔夠人哋才高八斗，
我祗能夠追求，但係唔會苛求，唯有默默邁向夢想之路不斷前走,
今次決定要埋首被竇，不斷咁探求，參考人哋嘅詞作點樣會永垂不朽？
唔死剩把口，唔再似以前咁怕醜，因為唔想後悔當以後人生去到止休.
從今之後唔再 甘心向命運自首，唔再 向現實低頭，唔再 寫到一半就走，
因為現在 靈感同力量湧上心頭，貫穿腦神經中樞系統反射至手同口，
開始搵人打救，假手於人嚟交流，所以要求高嘅朋友唔該你哋稍候，
等我深入研究，呢個祗不過係前奏，等我抖夠探究個究竟就會完成成首.
Sing : 但我的心每分每刻仍然被她佔有
曾經同樣嘅演奏 有過一個歌手 用最深情嘅演繹嚟展現佢嘅歌喉
我又邊有咁嘅歌喉 我祗能用我嘅Flow走 我絕不能因為唔識咁唱而選擇逃走
唯有繼續努力我嘅Show Down 呼籲我嘅兄弟好友 跟住屬於我嘅Flow一齊Go Around
我 仲未唱夠 我嘅手都未寫夠玩夠 跟住呢個節奏 再繼續行走
休息完返嚟 我又試繼續再嚟 有啲人唔爽我我諗我都懶得睬你
我唔會放棄 祗會繼續提昇我嘅才氣再嚟 就會有再新嘅歌詞出現俾你
媲美殺首靈浩思維我自知未夠路 我頭腦轉數唔快唔知係乜嘢構造
就因為咁樣你就叫我捐入被竇度 食懵你啊 我諗你應該都燒壞個腦
過渡期係人生道路嘅必經之途 你又唔係我 你又點知我會點做
我自己嘅缺點 當然我自己會檢討 我實唔會沾人哋光彩嚟往自己臉塗
沿途以嚟都有兄弟艾里恩陪伴左右嗰頭又話識到一班主張慢行嘅朋友
有咁多人行頭 條路點會咁快行夠 上天保佑 我呢條路會越行越長久
曾經被無數壓力同詞窮將我逼到埋牆頭 好彩有班好友令我不至於跳出窗口
重新伶起雙手 訓練自己張口 手中揸住嘅筆 就係我 最有力嘅槍頭