月光

中秋节有感
畢竟在海外过这种传统节日还是很不容易的
每逢佳节倍思亲嘛

（歌詞中有個別字詞不會打，以“囧”代替，此乃廣東話博大精深的緣故，若有朋友知道正確答案，望留言告知）

Intro：咳～咳～畀我一個人靜下～

唉～今晚 又係一個人食晚餐 唔係想搵個人囧其實已經習慣
唉～算把 打個電話叫個Pizza當月餅 切咗八舊以為七星伴月
坐喺個廳度睇住個月光曬入地堂十五十六圓 月亮好似一塊鏡 有冇照到一家團圓 至少 祈求上天成全 外國月亮唔係好圓都可以千里共嬋娟
唉～今晚 又係漫漫長夜愈長夢愈多我就諗起童年時嘅兒歌 聽住歌 我嘅思緒開始飄散到故鄉到祖國 春風吹過玉門關到邊疆
誰人能夠 賜我羽翼一雙 當我迷茫時可以飛番屋企嗰扇窗
我嘅祖國 佢有住秀麗山河 養育咗我 仲有我嘅一對肩膀

企出門口曬月光 每逢佳節回頭望 朦朧心情照遠方 前路唔會再彷徨
企出門口曬月光 每逢佳節回頭望 朦朧心情照遠方 前路唔會再彷徨

呢個世界有太多嘢唔由得你自己控制 命都冇人地矜貴仲要畀人賣豬仔去咗南洋去咗Caliport做咕喱 人在他鄉身不由己寄人籬下下等居民就係我地
天高任鳥飛 海闊埋唔到岸邊 諗下屋企就喺咸水汪洋嘅另外一邊 咸水海唔好味
枉費我情深一片 唯有皓朗嘅月光令我輕柔如水清澈
明月陰晴圓缺以引致潮漲潮退 就好似 我嘅心情一樣 惆悵憔悴
未諗過 就算有千百萬里嘅相距 我都一樣掛住我嘅屋企人 （仲有佢）

少少情感像月光 遙看浪子回頭望 絲絲懷念在遠方 前路……（一齊唱～）
少少情感像月光 遙看浪子回頭望 絲絲懷念在遠方 前路……

我將我嘅一片真心照向明月誰知明月照落坑渠 獨個買醉 就喺今夜無人入睡
我係夜晚嘅夸父追逐月亮 直到我死去
問下月亮女神 邊度有我嘅女神 漂泊之中嘅短暫刺激令人興奮
分久必合 合久必分 家陣冇人逼婚凈係有好多騙財騙色嘅神棍 好似
香口膠 嚼完松 嚼完囧 冇得你唔鋸 來去匆匆就算有啲心痛傷得太重要記住
茶是故鄉濃 山水有相逢 當係經驗為你鋪路遲早邁向成功
係吖 仲有 唔好嫌我囧氣 唱咗三分幾種都唔係爭在呢一句
無論你响出邊受咗幾重嘅傷 番到屋企一樣有阿媽嘅老火靚湯

少少情感像月光 遙看浪子回頭望 絲絲懷念在遠方 前路……
少少情感像月光 遙看浪子回頭望 絲絲懷念在遠方 前路……
（行出個門口企喺個花園入邊曬月光 離開嘅浪子每逢中秋佳節回頭望）
（朦朧嘅懷念心情為你點亮遠方燈光 前路一片光明放膽去唔使彷徨）

Outro：OK，係咁多先喇，ByeBye