劫婚

Songwriters:
Original Story Author: Guy Ray
Lyrics by 樊博宇
Produced by Newton Boyle
Samples:
Contains elements from《我只在乎你》by 鄧麗君
Inspired by《在乎你》by Lo-wei, Gordon, Bz

（瞓唔著咧？講個古仔畀你聽喇，聽完你就瞓得著喇，個古仔就係噉噶～）
從前 從前 唔好意思 又係從前 從前嘅古仔講得多的確令人討厭
所以今次 我講返一個科幻愛情古仔事情發生喺未來嘅加州海灘
聽落唔係好浪漫但係講返時間係2015由於投資嘅失誤
我由個二世祖變成個乞衣窮到甩褲 但為咗你我可以乜都不顧
我啲朋友同我講話 佢同你之間嘅距離就好似幾萬幾萬公里
從來都冇理會 關於妳嘅消息我幾乎都識背 一個機會
當報紙話 你要同個億萬富豪結婚時間係聽日傍晚 維多利亞港灣
我話我要趕返去劫婚啲人話我係痴脷筋
no wonder 瞓覺前諗下你個樣會瞓得著 至於個budget
問朋友借咗錢但係仲爭成幾千 唯有走去打劫幾間便利店
綁架官員 贖金交於指定地點 為咗避免畀人發現我即刻攞現金去買咗張機票
行李入邊有即將要過期嘅護照仲有當年嘅嗰對鞋同嗰隻表
事到如今你可能已經唔記得咗喇不過我嗰時都係一樣咁鍾意你噶
想同你一齊度假去vegas 不過而家就快啲等部飛機飛吧
飛機飛過太平洋雲層上未曾想過我會去搶新娘
為咗你 做呢啲都好正常 放心呢一次就等我為你瘋狂

相信只要我夠誠心 總有一日呢個古仔會成真
咪怪我一往情深 除咗我之外冇人可以同你結婚
相信只要我夠誠心 終有一日呢個古仔會成真
唔係講笑我好認真 除咗我之外冇人可以與你成親

我一落機就見到四周圍貼住我個樣 我諗啲機場特警見到我都幾乎要掹槍
所以我翻過埲牆勉強噉搶咗部阿婆嘅綿羊仔嚟到代步
離開咗咁耐我都爭啲唔識路 不過我仲記得嗰日同你約定嘅富邦銀行
仲有一齊嘅尖東海傍 而家我喺嗰條路上邊趕緊去教堂
至於個交通 唔使同我擔心 有警察為我開路護航
到咗教堂打低啲石Q 我實要同你一齊走 拖住你之手 我問你
可唔可以同我成親
我唔要妻妾成群我淨係要你一個人 跟住攞出隻易拉罐戒指希望一切未算太遲
你話你願意
同我一齊我有大志 我地兩個可以一齊做頭號通緝犯
後人可能會將我地嘅事蹟出版 跟住我一齊浪跡天涯
天大地大總有兩個人嘅世界 從此以後個故事繼續 由此迎來一個圓滿嘅結局
（跟住我發現你瞓著咗……哈，好喇，早唞，Good Night）

相信只要我夠誠心 總有一日呢個古仔會成真
咪怪我一往情深 除咗我之外冇人可以同你結婚
相信只要我夠誠心 終有一日呢個古仔會成真
唔係講笑我好認真 除咗我之外冇人可以與你成親