Lâm-pō͘ gín-ná 南部囝仔 (prod. by Rama Low)

咱做 TÂI-OÂN 人好無 💚
YouTube Official Lyrics Video｜https://www.youtube.com/watch?v=Wmzk87LLilM

Music Arranger｜Rama Low https://www.youtube.com/watch?v=WRkgM3HAzxA
Producer｜多巴安 DPM
https://www.youtube.com/channel/UCicJpfj_LB651s9bThRt_wA
Recording/ Mixing Engineer｜多巴安 DPM
Tâi-bûn lia̍h-pau kò͘-būn (Taioanese Lyrics Proofreader)｜ Oe-khek
Lyricist/ Composer｜Chheⁿ-boe̍h-á
Graffiti chham-khó｜Tho͘kphuh
Special Thanks｜多巴安 DPM、Chu-gî、Khó͘-koe、Oe-khek、Bāng-tiong ê Chêng-ōe、O͘MÀMÀ、TÂI-BÛN EXPO、TÂIOÂNKOK、Ngá-hâm、Tho͘kphuh、Kaio̍h hiphop、thiaⁿ góa kóng Tâi-oân ōe ê pêng-iú、lala、Thài-kok prince、Gâu tha̍k chheh ê Kong-chú、Chóng-chhâi、A-Ka、A-Hiang、A-Chin、Gún tau chí-moāi、Tōa--ê、Grayson、DT、Chì-giân、ZIN、í-lêng、Gún tau、Góa só͘-ū ê chí-moāi、Só͘-ū thè góa thiaⁿ khòaⁿ māi ê lâng、kian-chhî kiâⁿ kàu chia, hit ê ta̍h ji̍p khì siā-thoân kàu-sek ê góa

祝逐家、身體健康、建國成功、身體勇健、人生車營💚
----------------------------------------------------------------------------
［Lô Hàn tùi-chiàu 羅漢對照］
Kok-khó chhun gō͘-cha̍p gōa kang
國考春 50 外工

Góa ê kok-ka soah bô chhun kúi kang
我 ê 國家 soah 無春幾工

Ba̍k-sái tih tī khò-pún
目屎滴治課本

Góa ê thâu-khak soah bē-tàng su-khó
我 ê 頭壳 soah 袂凍思考

Khàu lán ê chheng-chhun sī hiah-ni̍h chē sok-pa̍k
哭咱 ê 青春是 hiah-ni̍h 多束縛

Sí--khì ê chiân-pòe sī hiah-ni̍h-á ióng-kám
死--去 ê 前輩是 hiah-ni̍h-á 勇敢

Chêng-lō͘ ê khâm-khia̍t kám ū lâng beh chò-hóe sêng-tam
前路 ê 坎硈咁有人卜做伙承擔

Che sī nńg-chiáⁿ ê siàu-lú ta̍h--kòe ê kha-jiah
此是軟汫 ê 少女踏--過 ê 脚跡

Pêng-iú à, kin-á-ji̍t kám beh chiūⁿ pak?
朋友 à、今旦日咁卜上北？

Khó͘-koe chi̍t kù ōe hō͘ góa ê sim kui ê tín-tāng
Khó͘-koe 一句話乎我 ê 心歸个振動

Gō͘-tiám chhia-thâu sio-tán khòaⁿ lí kám ū goān-ì chò-hóe kiâⁿ
5 点車頭相等看汝咁有愿意做伙行

Ka-kī hó-hó-á koat-tēng chiah hō͘ góa chai-iáⁿ
加忌好好仔決定 chiah 乎我知影

Tī iû-hêng ê hiān-tiûⁿ kám ē hō͘ lâng tiám-miâ chò kì-hō
治游行 ê 現場咁會乎人点名做記号

Chhi-chhám ê kòe-khì kám chin-chiàⁿ beh koh tńg--lâi
凄慘 ê 過去咁眞正袂閣返--來

Nā sī hō͘ góa pêng-iú khòaⁿ tio̍h góa lâi piáu-thài
Nā 是乎我朋友看着我來表態

In kám ē lâi lī-khui, lī-khui góa ê sè-kài?
因咁會來離開、離開我 ê 世界？

Siūⁿ beh khiā--chhut-lâi sim-lāi soah iá sī kiaⁿ-kiaⁿ
想卜竪--出-來心內 soah 夭是惊惊

A-pah a-bú kám ū khó-lêng chi-chhî góa lâi khí kiâⁿ
阿爸阿母咁有可能支持我来起行

Chi̍t thong tiān-ōe khà hō͘ a-pah i soah kóng i thâu hîn ba̍k àm
一通電話扣乎阿爸伊 soah 講伊頭眩目暗

Lâng bô tú-hó phòa-pēⁿ kan-khó͘ si̍t-chāi hō͘ i hoân-ló koh oàn-thàn
人無抵好破病艱苦實在乎伊煩惱閣怨嘆

Ǹg-bāng góa bī-lâi ē-tàng chiâⁿ chò ū tam-tng ê tōa-chí
映望我未來會凍成做有擔當 ê 大姉

Í-āu ê tāi-chì tio̍h ài kau hō͘ góa lâi hoa̍t-lo̍h
以后 ê 代志着愛交乎我来伐落

Chiàu-kò͘ a-bú khan-sêng sió-moāi pó-hō͘ a-tī lóng sī góa ê chek-jīm
照顧阿母牽成小妹保護阿弟朗是我 ê 責任

A-pah kóng che sī i tī góa keng-kah-thâu khǹg ê tāng-tàⁿ
阿爸講此是伊治我肩甲頭 khǹg ê 重担

A-pah à, lí kóng--ê góa lóng chai-iáⁿ
阿爸 à、汝講--ê 我朗知影

Chin sit-lé hāi lí bô sóng-khoài ê sî-chūn koh ài ūi góa chhau-hoân
眞失礼害汝無爽快 ê 時拵閣愛爲我操煩

M̄-koh góa kám-kak kin-á-ji̍t góa su-iàu chiūⁿ pak
不閣我感覺今旦日我需要上北

Kám ē sái hō͘ góa bîn-ná-chài chiah chiâⁿ chò lí ê koai-kiáⁿ?
咁會使乎我明旦再 chiah 成做汝 ê 乖子？

Kám kóng lí it-tēng ài cháu khì hiān-tiûⁿ? Kám kóng lí bē tàng khó soah chiah siūⁿ?
咁講汝一定愛走去現場？咁講汝袂凍考 soah chiah 想？

Nā sī che sī lí ê soán-te̍k, án-ne pa-pa mā tòng lí bē hù
Nā 是此是汝 ê 選擇、安呢爸爸嗎擋汝袂赴

Beh khì tio̍h ài lâi khah kín koat-tēng, mài koh tī hia leh thoa-thoa-soa-soa
卜去着愛来卡緊決定、勿閣治 hia レ拖拖沙沙

Chhia-phiò tio̍h ài lâi khah kín khì thiah, sî-kan chat hó tio̍h ài hō͘ góa chai-iáⁿ
車票着愛来卡緊去拆、時間 chat 好着愛乎我知影

Kok-khó chhun gō͘-cha̍p gōa kang
國考春 50 外工

Góa ê kok-ka soah bô chhun kúi kang
我 ê 國家 soah 無春幾工

Ba̍k-sái tih tī khò-pún
目屎滴治課本

Góa ê thâu-khak soah bē-tàng su-khó
我 ê 頭壳 soah 袂凍思考

Khàu lán ê chheng-chhun sī hiah-ni̍h chē sok-pa̍k
哭咱 ê 青春是 hiah-ni̍h 多束縛

Sí--khì ê chiân-pòe sī hiah-ni̍h-á ióng-kám
死--去 ê 前輩是 hiah-ni̍h-á 勇敢

Chêng-lō͘ ê khâm-khia̍t kám ū lâng beh chò-hóe sêng-tam
前路 ê 坎硈咁有人卜做伙承擔

Che sī nńg-chiáⁿ ê siàu-lú ta̍h--kòe ê kha-jiah
此是軟汫 ê 少女踏--過 ê 脚跡

Bô m̄ tio̍h góa chiū sī lâm-pō͘ ê gín-ná, m̄-koán chò sáⁿ-mih tāi-chì lóng ài pôaⁿ-soaⁿ koh kòe-niá
無不着我就是南部 ê 囝仔、不管做省乜代志朗愛盤山閣過嶺

Kok-khó ap-le̍k í-keng kā góa teh kà bô hoat chhoán-khùi, kám kóng koh ū sî-kan chông khì Li̍p-hoat-īⁿ
國考壓力以經共我壓甲無法喘氣、咁講閣有時間崇去立法院

Kám kóng che tio̍h sī góa ê ūn-miā, kám kóng têng-khó tio̍h sī góa ê siok-miā
咁講此着是我 ê 運命、咁講重考着是我 ê 宿命

Nā sī che sī chòe-āu chi̍t pái, án-ne góa siūⁿ beh oa̍h kòe chi̍t pái
Nā 是此是最後一擺、安呢我想卜活過一擺

Hûn-phek í-keng lâi sí tī khó-chè, chheng-chhun í-keng lâi sio hō͘ thé-chè
魂魄以經来死治考制、青春以經来燒乎体制

M̄-goān chiâⁿ chò chòe-āu chi̍t tāi, chit-má lán tio̍h ài khiā--chhut-lâi
不愿成做最後一代、只馬咱着愛竪--出-來

Góa sī lâm-pō͘ ê gín-ná mā sī Tâi-oân chău-kiáⁿ
我是南部 ê 囝仔嗎是台灣 chău-kiáⁿ

Tio̍h sǹg ài pôaⁿ-soaⁿ kòe-niá góa mā beh lâi khì hia
着算愛盤山過嶺我嗎卜来去 hia

5 tiám pòaⁿ ê chhia gún ài 3 tiám tio̍h chhut-hoat
5 点半 ê 車阮愛 3 点着出發

In-ūi gún ài 2 tiám-cheng chiah tán ū chi̍t pang kong-chhia
因爲阮愛 2 点鐘 chiah 等有一 pang 公車

Chē chiūⁿ kong-chhia koh ài choán khì khu-kan-chhia
坐上公車閣愛轉去區間車

Khu-kan-chhia kàu chām koh ài kiâⁿ khì ko-thih-chām
區間車到站閣愛行去高鉄站

Phah lâi-hôe-chhia-toaⁿ tio̍h ài khai kà chheng kúi kho͘
打来回車單着愛開甲千幾篐

Kan-na ūi tio̍h ōaⁿ 2 tiám cheng khiā tī Chheⁿ-tó-lō͘
Kan-na 爲着換 2 点鐘竪治青島路

Ùi Tâi-pak chhia-thâu lo̍h chhia tio̍h sûi chông khì Li̍p-hoat-īⁿ
Ùi 台北車頭落車着隨崇去立法院

Móa sì-kè ê iú-chì kap góa tâng-chê kiâⁿ tī lō͘--ni̍h
滿四界 ê 有志甲我同齊行治路--ni̍h

Ūi chū-iû, ūi bîn-chú, ūi khó͘-lān ê le̍k-sú
爲自由・爲民主・爲苦難 ê 歷史

Kui ke-á-lō͘ ê lâng lóng sī kap góa kāng khoán ê Tâi-oân lâng
歸街仔路 ê 人朗是甲我仝欵 ê 台灣人

Cha̍p tang chêng góa sè-hàn khòaⁿ tio̍h Ji̍t-thâu-hoe
十冬前我細漢看着日頭花

Soah m̄ chai cha̍p tang āu ài chiâⁿ chò Chheⁿ-chiáu chhut lâi poe
Soah 不知十冬後愛成做青鳥出來飛

Lâng-móa-sì-soaⁿ ê Chheⁿ-chiáu leh kā góa kóng góa m̄ sī ko͘-chiáu
人滿四山 ê 青鳥レ共我講我不是孤鳥

Lán sī Chheⁿ-chiáu mā sī Han-chî-á-chiáu
咱是青鳥嗎是蕃薯仔鳥

To-siā Khó͘-koe chhōa góa chai-iáⁿ sáⁿ-mih hō chò siā-hōe-ūn-tōng
多謝 Khó͘-koe 𤆬我知影省乜号做社會運動

Ta̍k-ke chhiú gia̍h pâi-á hoah chhut Tâi-oân Tiong-kok chi̍t pêng chi̍t kok
逐家手擧牌仔喝出台灣中國一 pêng 一國

It-kiú sù-chhit ê tōa-tô͘-sat kàu taⁿ lóng iá-bōe siu soah
1947 ê 大屠殺到 taⁿ 朗夭未收 soah

In koah tiāu lán ê chhùi-chi̍h koh thâi sí lán ê ōe-gí
因刈掉咱 ê 嘴舌閣刣死咱 ê 話語

Khòaⁿ bē tio̍h ê káu-pâi koh pa̍k tī lán ê sin-khu-téng
看袂着 ê 狗牌閣縛治咱 ê 身軀頂

Liân khòng-cheng ê hiān-tiûⁿ to (lóng) ài thiaⁿ tio̍h si̍t-bîn ê ōe-gí
連抗爭 ê 現場 to 愛听着植民 ê 話語

Kā Tiong-hoa-bîn-kok kóaⁿ chhut Tâi-oân ê hit ji̍t chìn-chêng
共中華民國赶出台灣 ê hit 日進前

Lán tio̍h ài phah phòa kui-kí lâi hoah chhut lán ê miâ-jī
咱着愛打破規矩来喝出咱 ê 名字

⟮Kháu-pe̍h 口白⟯
Chhin-ài ê Tâi-oân lâng à, khêng-si̍t lán chū-thâu kàu-bóe lóng iá-bōe ū lán ê kok-ka
親愛 ê 台灣人 à、瓊實咱自頭到尾朗夭未有咱 ê 國家
Ū chē chē ê chiân-pòe tī chi̍t tiûⁿ koh chi̍t tiûⁿ
有多多个前輩治一場閣一場
Bô iâⁿ ê to̍k-li̍p chiàn-cheng lâu-hoeh lâu-tih
無嬴 ê 獨立戰爭流血流滴
M̄-koh sui-bóng hùn-khài lán iu-goân éng-oán ài ū hi-bāng
不閣雖罔憤慨咱由原永遠愛有希望
Lán ài ùi khó͘-lān ê kì-tì khui chhut siōng súi ê hoe-lúi
咱愛 ùi 苦難 ê kì-tì 開出上水 ê 花蕊
Tán-thāi thiⁿ kng ê hit kang, Tâi-oân ē sī sin koh to̍k-li̍p ê kok-ka
等待天光 ê hit 工、台灣會是新閣獨立 ê 國家

國考春 50 外工
我 ê 國家 soah 無春幾工
目屎滴治課本
我 ê 頭壳 soah 袂凍思考
哭咱 ê 青春是 hiah-ni̍h 多束縛
死--去 ê 前輩是 hiah-ni̍h-á 勇敢
前路 ê 坎硈咁有人卜做伙承擔
此是軟汫 ê 少女踏--過 ê 脚跡
朋友 à、今旦日咁卜上北？
Khó͘-koe 一句話乎我 ê 心歸个振動
5 点車頭相等
看汝咁有愿意做伙行
加忌好好仔決定 chiah 乎我知影
治游行 ê 現場咁會乎人点名做記号
凄慘 ê 過去咁眞正袂閣返--來
Nā 是乎我朋友看着我來表態
因咁會來離開、離開我 ê 世界？
想卜竪--出-來心內 soah 夭是惊惊
阿爸阿母咁有可能支持我来起行
一通電話扣乎阿爸
伊 soah 講伊頭眩目暗
人無抵好破病艱苦
實在乎伊煩惱閣怨嘆
映望我未來會凍成做有擔當 ê 大姉
以后 ê 代志着愛交乎我来伐落
照顧阿母牽成小妹保護阿弟
朗是我 ê 責任
阿爸講此是伊治我肩甲頭 khǹg ê 重担
阿爸 à、汝講--ê 我朗知影
眞失礼害汝無爽快 ê 時拵
閣愛爲我操煩
不閣我感覺今旦日我需要上北
咁會使乎我明旦再
chiah 成做汝 ê 乖子？
咁講汝一定愛走去現場？
咁講汝袂凍考 soah chiah 想？
Nā 是此是汝 ê 選擇、安呢爸爸嗎擋汝袂赴
卜去着愛来卡緊決定
勿閣治 hia レ拖拖沙沙
車票着愛来卡緊去拆
時間 chat 好着愛乎我知影
國考春 50 外工
我 ê 國家 soah 無春幾工
目屎滴治課本
我 ê 頭壳 soah 袂凍思考
哭咱 ê 青春是 hiah-ni̍h 多束縛
死--去 ê 前輩是 hiah-ni̍h-á 勇敢
前路 ê 坎硈咁有人卜做伙承擔
此是軟汫 ê 少女踏--過 ê 脚跡
無不着我就是南部 ê 囝仔
不管做省乜代志朗愛盤山閣過嶺
國考壓力以經共我壓甲無法喘氣
咁講閣有時間崇去立法院
咁講此着是我 ê 運命
咁講重考着是我 ê 宿命
Nā 是此是最後一擺
安呢我想卜活過一擺
魂魄以經来死治考制
青春以經来燒乎体制
不愿成做最後一代
只馬咱着愛竪--出-來
我是南部 ê 囝仔嗎是台灣 chău-kiáⁿ
着算愛盤山過嶺我嗎卜来去 hia
5 点半 ê 車阮愛 3 点着出發
因爲阮愛 2 点鐘 chiah 等有一 pang 公車
坐上公車閣愛轉去區間車
區間車到站閣愛行去高鉄站
打来回車單着愛開甲千幾篐
Kan-na 爲着換 2 点鐘竪治青島路
Ùi 台北車頭落車
着隨崇去立法院
滿四界 ê 有志甲我同齊行治路--ni̍h
爲自由・爲民主・爲苦難 ê 歷史
歸街仔路 ê 人
朗是甲我仝欵 ê 台灣人
十冬前我細漢看着日頭花
Soah 不知十冬後
愛成做青鳥出來飛
人滿四山 ê 青鳥
レ共我講我不是孤鳥
咱是青鳥嗎是蕃薯仔鳥
多謝 Khó͘-koe 𤆬我知影
省乜号做社會運動
逐家手擧牌仔喝出
台灣中國一 pêng 一國
1947 ê 大屠殺到 taⁿ 朗夭未收 soah
因刈掉咱 ê 嘴舌閣刣死咱 ê 話語
看袂着 ê 狗牌閣縛治咱 ê 身軀頂
連抗爭 ê 現場 to 愛
听着植民 ê 話語
共中華民國赶出台灣 ê hit 日進前
咱着愛打破規矩来喝出咱 ê 名字
親愛 ê 台灣人 à
瓊實咱自頭到尾朗夭未有咱 ê 國家
有多多个前輩治一場閣一場
無嬴 ê 獨立戰爭流血流滴
不閣雖罔憤慨咱由原永遠愛有希望
咱愛 ùi 苦難 ê kì-tì
開出上水 ê 花蕊
等待天光 ê hit 工
台灣會是新閣獨立 ê 國家