2. I Fly

2. I Fly

歡迎各位選擇乘搭The New Hope Airline
我係本班航機嘅機長MastaMic
今日我將會用HipHop帶領大家遊歷人生嘅 高低起跌
所以請各位乘客做好準備 扣好你哋嘅安全帶
因為我哋嘅飛機即將要起飛喇

MastaMic再一次利用我嘅音樂 帶你哋一齊起飛
就算有好多嘢阻住我 好多困難 我都會克服
因為我知道你會同我一齊 I Believe I can Fly

Verse 1:
如果你要我揀搭一種飛機
有直升機 747波音機客機 甚至私人飛機
但我只會答你 我會搭穿梭機
因為可以一飛沖天 衝出一片新天地
穿梭天與地畀我試飛嘅滋味
等我更加知己知彼 我更了解自己
我知我可以飛 無人阻到我飛
你想阻我飛 我送你一句「我呸」
我係飛機師 乘客就係你哋
我會用歌詞帶領你哋遊遍世界每一片土地
當你上呢架飛機你已經無法逃避
我保證你哋我會帶你哋遊過飛過一切禁地
無人阻到我哋 等我哋一齊打破一切禁忌
機會就算無人畀 就算你唔畀
我照樣向前飛 因為我信人生嘅趣味係嚟自所謂振翅高飛

Chrous:
我要令你聽到 我志氣比天高
我不怕被擊倒 阻我路
我要飛得高高 我會飛得高高 試問邊個可以阻到
我要令你知道 我志氣比天高
我不怕被擊倒 阻我路
我要飛得高高 我會飛得高高 試問邊個可以阻到

Verse 2:
我身為一個盡責嘅機師
我夠膽保證我嘅飛機起飛時間一定準時
我嘅歌 歌詞一早有提示
總之一切由呢刻開始我嘅Mixtape就係我起飛嘅警示
你仲想妄想阻止夢想號喺空中飛馳
我勸你咪再費時失事
話你知 就算試幾多失意
就算再多幾多次鬱鬱不得志
你不得不知我有我嘅理由我不得不試
我背負住太多人嘅希望
佢哋嘅願望係見到我發光
絕望 都差啲將我埋葬
我一直喺失望嘅邊緣等待屬於希望嘅一線曙光
我會想盡一切辦法鬆綁
鬆開人世間一切人情冷暖嘅滄桑
我帶住用歌詞編織成嘅翅膀 飛向遙遠嘅他方
尋找屬於我嘅星光

Chorus:
我要令你聽到 我志氣比天高
我不怕被擊倒 阻我路
我要飛得高高 我會飛得高高 試問邊個可以阻到
我要令你知道 我志氣比天高
我不怕被擊倒 闖我路
我要飛得高高 我會飛得高高 試問邊個可以阻到