
天未光,機車聲猶原佇耳邊輕輕咧響
彼當時你去市場買菜
魚仔的味,點心的香,到今嘛無散
你講過的話,阮一字一句攏記佇心肝
日頭照佇厝內
厝內笑聲,攏有你
你佮阿嬤鬥嘴鼓的聲音,已經聽袂著
剩阮佇遮,一句一句慢慢想起
你總是將上好的,留乎阮這群囝孫
啥人愛食啥物,你攏囥佇心肝
你彼款溫柔笑容,親像彼年的日頭
如今欲看一擺,已經變做夢影
阮有就濟話,來不及對你講
只好一聲一聲,叫佇心內
彼台鐵馬,敢猶原停佇田邊彼个所在
菜園的風猶原咧吹,只是無人閣去挽
灶腳的香味,嘛隨時間慢慢散
你的身影,變做阮夢中的一段
彼一暗,阮猶原毋願相信
你就按呢離開,無留半句交代
阮猶原想欲聽你叫阮的名
可惜這世人,已經無機會
你彼雙替阮蓋被的手
如今欲牽,嘛找無所在
你總是將上好的,留乎阮這群囝孫
啥人愛食啥物,你攏囥佇心肝
你彼款溫柔笑容,親像彼年的日頭
如今欲看一擺,已經變做夢影
若是時間會倒轉,阮一定會牽牢牢
阿公,你安心行
阮會替你,顧好這个家
你的笑容,阮一世人攏袂放