夢想號 (Sampling 狂舞吧)

為咗夢想，可以去到幾盡？
一句電影金句道出余震東的決心。

唱作歌手余震東，為加速賺錢進修聲樂及音樂課程，曾幹了年多地盤工作！亦曾於尖沙咀及中環等鬧巿街頭演唱。

「放棄可以有千百個藉口，能夠企番起身就只有一個原因！」
余震東以自身經歷創作首支派台歌《夢想號》。

夢想號 歌詞

＊
若未來是五官的神情　就用自由做眼睛
望著路途亮與黑也高興　Oh
現在原是最好的年華　就盡全力愛吧
誰在注目　凝望你嗎　如畫　那樣美麗無瑕＊

rap

第一次掂到結他既弦線
永遠記得個一年 就係我愛上音樂既起點
第一次被音樂感動到淚流滿面
我話我要玩一世既音樂 做一輩子熱血青年

鏡頭一閃一轉 一轉眼話咁快就十幾年
我竟然企左係街頭表演
一路彈一路唱 一路望住擦過身邊既
男男女女 匆匆趕趕
多謝你放低過廿蚊 令我今晚夠錢食到碗面

音樂 令我富有
富有 到我餐餐食面包都唔覺得自己可憐
做音樂 經歷無數既失落得到無數既歡樂
我既喜怒哀樂 都離唔開音樂
就算俾我 重頭選擇 我仍然想一世 都做音樂

我要用我既人生寫滿 最真實既歌
用我既歌將希望帶到唔同角落
我想你記得我
我想你相信 有夢想係無錯

＊若自由是最輕的雲霞　問問被誰摘過嗎
願望是留在掌心吻一下Oh
現在原是最青春年華　就盡情地愛吧
留樹蔭下　來共舞嗎　時光　這樣美麗無瑕＊

你 過緊邊個想你過既生活
你 扮演緊邊個想你扮演既身份
你 為左夢想可以去到幾盡
俾我6條弦線88個琴鍵
有錢無錢同我人生無任何關聯 嘿

我唔係最有天份
但係無音樂 就無人生
打人生每場戰爭 音樂係我既醫生
跌低1次跌低2次 嘿
見到自己滿身傷痕 我特別興奮

每一次 當我意志消沉
每一次 當我唱到信心盡失
每一次 我再重新 認真 向自己審問
放棄可以有千百個藉口
但令我企番起身就只有一個原因

每一次 當我唱出自己創作既句子
每一次 當我隻手掃落結他既弦線
每一次 當我支筆押韻出一段段一段段歌詞
每一次 我都知道我係屬於音樂
所以我必須繼續堅持

＃每踏出一步我都睇唔到下一步
但睇番每一步我已經行出屬於我既路
用我既腳步打造出我既夢想號＃