踮佇厝內tiàm-tī-tshù-lāi (demo)

2021的夏天，台灣經歷了辛苦的三個月，待在家裡就是最好的分工合作。在家想念海邊的風、山上的花，還有總是鬥陣四界去的你，但是為了再次相聚，沒有什麼事比照顧好自己更重要了喔！
台灣防疫加油！

最近我攏 踮佇厝內
tsuè kīn guá lóng tiàm tī tshù lāi
無啥物通了解
bô siánn mi̍h thang liáu kái
就是無奈 欲講出來
tiō sī bô nāi beh kóng tshut lâi
真無奈
tsin bô nāi

你 佇遐創啥？
lí tī hia tshòng siánn
和我仝款無聊？
hām guá kâng khuán bô liâu
關甲欲起痟
kuan kah beh khí siáu

心情蓋操煩
Sim tsîng kài tshau huân
想見面無遮簡單
siūnn kìnn bīn bô tsiah kán tan
思念莫來亂
su liām mài lâi luān

＊
風透甲 遮爾厲害
hong thàu kah tsiah nī lī hāi
是風咧笑你應該
sī hong leh tshiò lí ìng kai
樹講你戇大呆
tshiū kóng lí gōng tuā tai
天氣好甲 毋是款
thinn khì hó kah m̄ sī khuán
只有鳥仔 通了解
tsí ū tsiáu á thang liáu kái

想欲去
siūnn beh khì
海邊踅夜市
hái pinn se̍h iā tshī
去山頂看天星
khì suann tíng khuànn thinn tshinn
去佗位攏有你鬥陣
khì tohuī lóng ū lí tàu tīn

溪邊看田嬰
khe pinn khuànn tshân inn
佇埕口看月圓
tī tiânn kháu khuànn gue̍h înn
去佗位攏有你鬥陣
khì toh uī lóng ū lí tàu tīn
哪會袂相思～
ná ē bē siunn si

上平凡的甜蜜
Siōng pîng huân ê tinn bi̍t

想海底的景致
siūnn hái té ê kíng tì
想山頂的空氣
siūnn suann tíng ê khong khì

聽鳥仔的聲音
thiann tsiáu á ê siann im
自在逍遙遐歡喜
tsū tsāi siau iâu hiah huann hí

＊

等待著
tán thāi tio̍h
恢復的日子
hue ho̍k ê ji̍t tsí
為著彼工團圓
uī tio̍h hit kang thuân înn
請你著愛照顧自己
tshiánn lí tio̍h ài tsiàu kòo tsū kí

等相見面的時
tán sio kìnn bīn ê sî
有熟悉的聲音
ū si̍k sik ê siann im
去佗位我攏無要緊
khì toh uī guá lóng bô iàu kín
免閣再想你 耶～
bián koh tsài siūnn lí
上平凡的甜蜜
Siōng pîng huân ê tinn bi̍t

最近只好 踮佇厝內
tsuè kīn tsí hó tiàm tī tshù lāi
著愛忍耐
tio̍h ài jím nāi