青苔仔tshinn-tî-á

青苔仔tshinn-tî-á，常見鳥類「綠繡眼」的台語用詞。某一年的暑假，和一隻小小綠繡眼的邂逅，當自己被一個生命認可，即使短暫，那種溫暖的感覺卻是可以記得一世人的。

唱/詞曲/吉他：張庭漪
大提琴：張逸雯

未曾未 
Bē tsîng bē
你就綴我玲瑯踅
lí tiō tuè guá lîng long se̍h
我猶無想遮濟
guá iáu bô siūnn tsiah tsē
你就來綴
lí tiō lâi tuè

若是想欲 
nā sī siūnn beh
閣講出心內話
koh kóng tshut sim lāi uē
遐濟 攏是加講的
hiah tsē lóng sī ke kóng--ê
 

已經幾若冬
í king kuí nā tang
記袂清你的面模仔
kì bē tshing lí ê bīn bôo á
是思念閣予你 
sī su liām koh hōo lí
留佇心肝的縫
lâu tī sim kuann ê phāng
你的聲 你的形影
lí ê siann lí ê hîng iánn
 
溫暖的身軀佇我的手掌
un luán ê sing khu tī guá ê tshiú tsiáng
甘願踮佇遮
kam guān tiàm tī tsiah
不時攑頭 掠我金金看
put gia̍h thâu kā guá kim kim khuànn
是啥物緣分 有「你佮我」
sī siánn mi̍h iân hūn ū lí kah guá

未曾未 
Bē tsîng bē
你就綴我玲瑯踅
lí tiō tuè guá lîng long se̍h
我猶無想遮濟
guá iáu bô siūnn tsiah tsē
你就來綴
lí tiō lâi tuè

若是想欲 閣講出心內話
nā sī siūnn beh koh kóng tshut sim lāi uē
遐濟 
hiah tsē
你嘛已經袂赴揣
lí mà í king bē hù tshuē

（bridge）

若是
nā sī
無對樹頂跋落下
bô uì tshiū tíng pua̍h lo̍h ē
欲哪有機會
bueh ná ū ki huē
就算無準備  
tiō sǹg bô tsún pī
無想好勢
bô siūnn hó sè

未曾未 
Bē tsîng bē
你就綴我玲瑯踅
lí tiō tuè guá lîng long se̍h
我猶無想遮濟
guá iáu bô siūnn tsiah tsē
就來綴咱的身邊
tiō lâi tuè lán ê sin pinn
無怨無慼
bô uàn bô tsheh

若是想欲 
nā sī siūnn beh
閣講出心內話
koh kóng tshut sim lāi uē
遐濟 （攏是加講的）
hiah tsē （lóng sī ke kóng—ê）

彼年的歇熱
hit nî ê hioh lua̍h
咱的路頭佇遮
lán ê lōo thâu tī tsiah
你的毛猶閣氅氅
lí ê mn̂g iáu koh tsháng tsháng
目睭猶無白箍仔
ba̍k tsiu bô pe̍h khoo á