03 八月初八
楊肅浩
合作音樂人
林正 JanLin
介紹
一個孩子從呱呱墜地開始總會期待的那一份父愛，歌詞從襁褓時期、童年至青少年、成年至而立之年，表達在不同階段對父親的期待。
在成長中缺少了這樣一位重要他人陪伴，無奈難以言喻，甚至在即將成家的年紀，因為生命歷程沒有一個成熟父親的典範影響，沒有把握自己是否能成為一位好爸爸。
時間也許沒辦法解釋無奈，生命有限，期待某一年的八月初八，所有的一切都能撥雲見日。
歌詞
嬰仔搖啊搖落地 紅紅幼幼開始學講話
思念你的時踮電話輕聲細說 幾禮拜轉來一兩暝
嬰仔變做少年家 成長的疑問按怎體會
電話漸漸無法度講詳細 需要了解的青春毋但一兩暝
後來咱攏毋講話 真濟代誌貧惰解說
若有機會我嘛真想欲 佮你講心內話
哪會變做遐爾生份的兩个 一條血脈流過偌濟的歹勢
嘛會期待你驕傲越頭 呵咾幾句話
哪會變做遐爾生份的兩个 牽連的血脈佮我的青春相閃過
凡勢 無解說 八月初八 是囥心肝底 毋敢講的話
少年家漸漸出社會 人情冷暖過十八歲
有一寡關係予時間來解說 緣深情淺毋是簡單的問題
敢若咱攏咧覕相揣 你也漸漸加寡年歲
若有機會我嘛想欲佮你 心事講規暝
哪會變做遐爾生份的兩个 一條血脈流過偌濟的歹勢
嘛會期待你驕傲越頭 呵咾幾句話
哪會變做遐爾生份的兩个 牽連的血脈佮我的青春相閃過
凡勢 無解說 八月初八 閣藏心肝底 藏甲袂講話
我嘛已經行到 你生我的年歲 哪會無彼个把握通成家
一粒心肝按怎才會好勢 八月初八是通知時間的掛號批
你佇另外的彼个家 著好好照顧身體
彼支變做遐爾生份的電話 人生短短敢有和解的機會
時間敢會 無解說 八月初八 閣通點幾枝 蠟燭火