〈大某細姨〉杜建坊2011-6-15
Ông Tsì-liông
介紹
故事因端：有一擺tshiang51suh3佮紐約台灣同鄉會个許醫師鬥陣食飯，逐家沿路食沿路「廈門人補鼎」─講空兮。許醫師在美國做大頭路，本成是穿靴戴頂 (tiánn [鼎] )，有身分个人；也是註該我得，犯着伊許工心花開，酒sui甲茫茫，嘴(喙)動嘴講一條博吉古。我替伊號一个名，改寫在茲乎逐家看仿。亞爺在此，過嘴無禁忌。
阿喜仔娶大某細姨，返去因厝共因視大人做生日。鬥陣食飯个時，大某心內毋願，那食嘴那唸：食雞，食雞，一夫配一妻。細姨聽着，對嘴應講：食魚，食魚，大某娶了，娶細姨。
大家看毋是勢，想卜勸和；着講：食筍，食筍，逐个着吞忍。阿喜仔个人拉希拉希，無愛大某細姨冤家；即激伍仁講：食菜，食菜，大某細姨我攏愛。
只陣，阿喜仔因老爸，共酒甌仔捧起來，執一嘴，云云仔講：食酒，食酒，阮後生个tsiu35tsiu51，乎恁二个公家扭。
歌詞
故事因端：有一擺tshiang51suh3佮紐約台灣同鄉會个許醫師鬥陣食飯，逐家沿路食沿路「廈門人補鼎」─講空兮。許醫師在美國做大頭路，本成是穿靴戴頂 (tiánn [鼎] )，有身分个人；也是註該我得，犯着伊許工心花開，酒sui甲茫茫，嘴(喙)動嘴講一條博吉古。我替伊號一个名，改寫在茲乎逐家看仿。亞爺在此，過嘴無禁忌。
阿喜仔娶大某細姨，返去因厝共因視大人做生日。鬥陣食飯个時，大某心內毋願，那食嘴那唸：食雞，食雞，一夫配一妻。細姨聽着，對嘴應講：食魚，食魚，大某娶了，娶細姨。
大家看毋是勢，想卜勸和；着講：食筍，食筍，逐个着吞忍。阿喜仔个人拉希拉希，無愛大某細姨冤家；即激伍仁講：食菜，食菜，大某細姨我攏愛。
只陣，阿喜仔因老爸，共酒甌仔捧起來，執一嘴，云云仔講：食酒，食酒，阮後生个tsiu35tsiu51，乎恁二个公家扭。