華語「你、我、他」，台語是講「汝 lí2、我 guá2、伊 i1。
Ông Tsì-liông
介紹
作者：潘科元
朗讀者：Ông Tsì-liông
歌詞
『華語「你、我、他」，台語是講「汝 lí2、我 guá2、伊 i1。請注意「伊」个本調是第一聲高平調 i，毋是第七聲中平調 ī。（台語「汝」有三種腔口 lí、lír、lú，佇遮無論）。
「名詞」做主詞个時，尾字愛唸本調；但是「代名詞」做主詞，普通情形是唸變調。親像講「迄个西醫是好儂」，名詞「西醫」个「醫」唸本調 i；若講「伊是好儂」，代名詞「伊[i1]」愛變調唸做 ī7。
但是若欲強調、尤其是佇對照个時，可比講：「共汝偷提个儂是伊[i1]，毋是我[guá2]！」即陣，代名詞愛唸本調。但是現時六十歲以下，多數儂「伊[i]」个本調佮變調已經無分，攏講 ī 第七聲。所以怹會講：「共汝偷提个儂是 ī7、毋是 guá。」
欲證明「伊」个本調是第一聲 i，毋是第七聲 ī，會使去請教八九十歲儂，用引tshuā个方式來問講：「咱台語咧叫某儂，是講 lí（手比對方）、guá（手比家治），閣有……（手比別位）？」按呢發音人就會應講「i1」，抑是「ī7」。二十年前我問个老儂攏講「i1」第一聲。
台語有一个趣味个稱呼，若毋是長輩个生份儂，抑是雖然有相捌，但是雄雄袂記得伊叫啥名，咱要緊欲喝[huah]伊注意啥貨，就會叫講「迄个伊啊！[hit ê i--ah]」。即陣「伊」就是唸本調第一聲。
台語發展到現代，「伊」已經普遍失落本調，連「迄个伊」嘛罕得聽著囉。』
...查看更多 收合
Ông Tsì-liông 作者
潘科元 予 Ông Tsì-liông先生：
足感謝！汝愈唸愈好，愈自然囉！
關係「名詞」个音，蓋濟儂講 miâ-sû，我無贊同，有三點原因，支持唸文言音 bîng-sû
一、「名詞」是學術用語。
二、台日大辭典有收「名詞」，伊就是唸 bîng-sû，伊嘛有注「國」--字，表示是對日語吸收來个新詞。
三、「名詞 bîng-sû」、「 代名詞 tāi-bîng-sû」，兩詞个「名」--字攏唸文言音，按呢才是一致、合理个做法。