According to your device's language settings, we also offer English (Global).
《半島跤花滿州行》|阿媽講故事予恁聽- 系列有聲書|張錦桂
《半島跤花滿州行》|阿媽講故事予恁聽- 系列有聲書|張錦桂

《半島跤花滿州行》|阿媽講故事予恁聽- 系列有聲書|張錦桂

Folk ・ 半島跤花滿州行- 阿媽講故事予恁聽系列有聲書|張錦桂 創詞、彈唱

  • 播放次數

    0

  • 喜歡

    0

《半島跤花滿州行》|阿媽講故事予恁聽- 系列有聲書|張錦桂

《半島跤花滿州行》|阿媽講故事予恁聽- 系列有聲書|張錦桂

滿州聲音博物館- 滿州民謠 Manzhou Folk Song
滿州聲音博物館- 滿州民謠 Manzhou Folk Song

發布時間 2026-11-15


介紹

張錦桂創作的《半島跤花滿州行》記述著由恆春向東進入滿州的沿途景色,以滿州民謠傳統曲調套入演繹。
_
創詞、彈唱|張錦桂
臺語字校正協力|董峯政、龍昶維
(註1:為尊重原創者,部分臺語字與讀音依照錄音斟酌保留。)
(註2:因歌詞欄之字數限制,部分歌詞至於下方。)
-
01
恆春半島恆春城
Hîng-tshun-puàn-tó Hîng-tshun-siâⁿ.
有閒來遮四界行
Ū-îng lâi tsia sì-kè kiâⁿ.
落山大透毋免驚
Lo̍h-suaⁿ tuā thàu m̄-bián kiaⁿ.
來聽阿媽民謠聲
Lâi thiaⁿ a-má bîn-iâu siaⁿ.

02
行行行出東門城
Kiâⁿ kiâⁿ kiâⁿ-tshut Tang-mn̂g-siâⁿ.
孤棚年年陣頭拚
Koo-pêⁿ nî-nî tīn-thâu piàⁿ.
少年啥物攏毋驚
Siàu-liân siáⁿ-mi̍h lóng m̄-kiaⁿ.
衝上棚頂有留名
Tshiong tsiūⁿ pêⁿ-tíng ū lâu-miâ.
03
東門城外景觀奇
Tang-mn̂g-siâⁿ guā kíng-kuan kî.
平地出火接地氣
Pêⁿ-tē tshut-hué tsiap tē-khì.
四方遊客探訪伊
Sù-hong iû-kheh thàm-hóng i.
大咻會當烘番薯
Tuā-hiu ē-tàng hang han-tsî.

04
離開出火東南行
Lī-khui Tshut-hué tang-lâm kiâⁿ.
林木青青毋知名
Lîm-bo̍k tshing-tshing m̄-tsai-miâ.
一路行到大崎頂
Tsi̍t-lōo kiâⁿ kàu Tuā-kiā-tíng.
恆春滿州界分明
Hîng-tshun Buán-tsiu kài hun-bîng.
05
跤花踏入永靖庄
Kha-hue ta̍h-ji̍p Íng-tsīng-tsng.
兩爿山脈像大門
Nn̄g-pîng suaⁿ-me̍h tshiūⁿ tuā-mn̂g.
庄前庄後牧草園
Tsng-tsîng tsng-āu bo̍k-tsháu-hn̂g.
七孔瀑布蔭地方
Tshit-kháng-pho̍k-pòo ìm tē-hng.

06
信仰中心羅峯寺
Sìn-gióng tiong-sim Lô-hong-sī.
記載護鄉顯神奇
Kì-tsài hōo-hiong hián sîn-kî.
四年一科由遮起
Sì-nî tsi̍t-khoo iû tsia khí.
祈福全鄉受保庇
Kî-hok tsuân-hiong siū pó-pì.
07
農漁排前佇港口
Lông-hî pâi tsîng tī Káng-kháu.
有機烏豆名聲透
Iú-ki oo-tāu miâ-siaⁿ thàu.
港口茶清芳閣潤喉
Káng-kháu-tê tshing-phang koh jūn-âu。
飛烏乾搶市賣無夠
Pue-oo-kuaⁿ tshiúⁿ-tshī buē bô kàu.

08
觀賞怪石看生態
Kuan-sióng kuài-tsio̍h khuàⁿ sing-thài.
衝湧活力港口海
Tshiong-íng ua̍t-li̍k Káng-kháu hái.
百年吊橋等恁來
Pah-nî tiàu-kiô tán lín lâi.
國寶民謠遮傳開
Kok-pó bîn-iâu tsia thuân-khai.
09
行到滿州跤莫停
Kiâⁿ kàu Buán-tsiu kha mài thing.
庄頭古蹟字紙亭
Tsng-thâu kóo-tsik jī-tsuá-tîng.
地標展翼一神鷹
Tē-piau thián-si̍t it sîn-ing.
大象靈猴顧鄉境
Tuā-tshiōⁿ lîng-kâu kòo hiong-kíng.

10
滿州圓環蘋婆樹
Buán-tsiu îⁿ-khuân phîng-phô-tshiū.
開春規欉綠油油
Khui-tshun kui-tsâng li̍k-iû-iû.
走近欶氣忘憂愁
Tsáu-kīn suh-khuì bōng iu-tshiû.
倚佇樹跤會長壽
Uá tī tshiū-kha ē tn̂g-siū.

...查看更多 收合

歌詞

11
民生機能佇圓環
Bîn-sing ki-lîng tī îⁿ-khuân.
各式美味任恁選
Kok-sik bí-bī jīm lín suán.
山產海味足齊全
Suaⁿ-sán hái-bī tsiok tsê-tsuân.
古早口味遮留傳
Kóo-tsá kháu-bī tsia liû-thuân.

12
里德舊名豬朥束
Lí-tik kū-miâ Ti-lô-sok.
十八番社大部落
Tsa̍p-pat-huan-siā tuā pōo-lo̍k.
族群和睦遮共住
Tso̍k-kûn hô-bo̍k tsia kiōng-tsū.
共譜滿州文化史
Kiōng phóo Buán-tsiu bûn-huà-sú.
13
十月後鳥一定來
Tsa̍p--gue̍h āu-tsiáu it-tīng lâi.
兩村空中像鳥海
Nn̄g-tshuan khong-tiong tshiūⁿ tsiáu-hái.
觀賞瀑布佮生態
Kuan-sióng pho̍k-pòo kah sing-thài.
世外桃源好所在
Sè-guā-thô-guân hó sóo-tsāi.

14
跤花慢慢踅啊踅
Kha-hue bān-bān se̍h ah se̍h.
望見畚箕寶穴地
Bāng-kìⁿ pùn-ki pó-hia̍t tē.
福地響林庄中坐
Hok-tē Hióng-nâ tsng-tiong tsē.
坐北向南好地勢
Tsē-pak nǹg-lâm hó tē-sè.
15
左擁瀑布欖仁溪
Tsó ióng pho̍k-pòo Nám-jîn-khe.
右抱老佛山仙人蹄
Iū phō Lāu-hu̍t-suaⁿ sian-jîn-tê.
庄中宮廟是真濟
Tsng-tiong kiong-biō sī tsin tsē.
神佛感應來濟世
Sîn-hu̍t kám-ìng lâi tsè-sè.

16
長樂舊名大魯公
Tióng-lo̍k kū-miâ Ta-lóo-kong.
族群集聚人口旺
Tso̍k-kûn tsi̍p-tsū jîn-kháu ōng.
出外人才實力強
Tshut-guā jîn-tsâi si̍t-li̍k kiông.
不時關照阮家鄉
Put-sî kuan-tsiàu guán ka-hiong.
17
長樂後山鎮寶庫
Tióng-lo̍k āu-suaⁿ tìn pó-khòo.
山頂聞名南仁湖
Suaⁿ-tíng bûn-bîng Lâm-jîn-ôo.
各種後鳥過冬渡
Kok-tsióng āu-tsiáu kuè-tang tōo.
國家列入受保護
Kok-ka lia̍t-ji̍p siū pó-hōo.

18
探訪寶山靠跤行
Thàm-hóng pó-suaⁿ khò kha kiâⁿ.
遍山植物難計名
Phiàn-suaⁿ si̍t-bu̍t lân kè-miâ.
沿途花芳佮鳥聲
Iân-tôo hue-phang kah tsiáu-siaⁿ。
收成滿滿無白行
Siu-sîng muá-muá bô pe̍h-kiâⁿ.
19
長樂向東踅又行
Tióng-lo̍k hiòng tang se̍h iū kiâⁿ.
彎越行到分水嶺
Uan-ua̍t kiâⁿ kàu Hun-tsuí-niá.
山勢分界兩爿行
Suaⁿ-sè hun-kài lióng-pîng kiâⁿ.
在地出有好音聲
Tsāi-tē tshut ū hó im-siaⁿ.

20
跤花行出分水嶺
Kha-hue kiâⁿ tshut Hun-tsuí-niá.
鳥群飛過毋知名
Tsiáu-kûn pue--kuè m̄-tsai-miâ.
樹頂相應是猴聲
Tshiū-tíng siong-ìn sī kâu-siaⁿ.
樹跤猴母弄猴囝
Tshiū-kha kâu-bó lāng kâu-kiáⁿ.
21
山路彼爿山拄天
Suaⁿ-lōo hit-pîng suaⁿ tú thiⁿ.
原始林木青青青
Guân-sí lîm-bo̍k tshiⁿ-tshiⁿ-tshiⁿ.
渡鳥結群遮隔暝
Tōo-tsiáu kiat-kûn tsia keh-mî.
鳥音齊鳴響天邊
Tsiáu-im tsê-bîng hiáng thiⁿ-piⁿ.

22
九棚人間好所在
Káu-pêⁿ jîn-kan hó sóo-tsāi.
後有青山前有海
Āu ū tshing-suaⁿ tsîng ū hái.
庄中牛群處處在
Tsng-tiong gû-kûn tshù-tshù tsāi.
親像無仝ê年代
Tshin-tshiūⁿ bô-kāng ê nî-tāi.
23
鼻頭草原看風景
Phīⁿ-thâu tsháu-guân khuàⁿ hong-kíng.
草原風貌天生成
Tsháu-guân hong-māu thiⁿ seⁿ-sîng.
上媠八瑤灣盡展現
Siōng suí Pat-iâu-uan tsīn tián-hiān.
碧海藍天看袂𤺪
Phik-hái lâm-thian khuàⁿ buē-siān.

24
一條山路彎閣遠
Tsi̍t-tiâu suaⁿ-lōo uan koh hn̄g.
柳暗花明港仔庄
Liú-àm-hua-bîng Káng-á-tsng.
人人欲來毋免問
Lâng-lâng bueh lâi m̄-bián mn̄g.
一片沙漠鎮中央
Tsi̍t-phiàn sua-bôo tìn tiong-ng.
25
風吹沙漠懸低排
Hong tshue sua-bôo kuân-kē pâi.
沙崙植物增色彩
Sua-lūn ti̍t-bu̍t tsing sik-tshái.
任由風沙去閣來
Jīm-iû hong-sua khì koh lâi.
自然造景天安排
Tsū-jiân tsō-kíng thiⁿ an-pâi.

26
沙漠相連八瑤灣
Sua-bôo siong-liân Pat-iâu-uan.
早潮晚汐袂復返
Tsá-tiâu buán-si̍k buē ho̍k-huán.
牡丹事件遮流傳
Bóo-tan-sū-kiāⁿ tsia liû-thuân.
百年故事講袂完
Pah-nî kòo-sū kóng buē-uân.
27
海灣日出滿天紅
Hái-uan ji̍t-tshut muá-thiⁿ-âng.
碧海藍天海鳥弄
Phik-hái lâm-thian hái-tsiáu lāng.
昨暝漁船落大網
Tsa-mî hî-tsûn lo̍h tuā-bāng.
今早滿載欲入港
kin-tsá buán-tsài beh ji̍p-káng.

28
滿州地界遮截止
Buán-tsiu tē-kài tsia tsia̍t-tsí.
過去有名阿朗壹
Kuè-khì ū-miâ A-lóng-it.
遊山玩水及時去
Iû-san-uán-suí ki̍p-sî khì.
祝恁平安兼順序
Tsiok lín pîng-an kiam sūn-sī.

...查看更多 收合