鄉村小調 (唱歌勸世)
鄉村小調 (唱歌勸世)

鄉村小調 (唱歌勸世)

Folk鄉村小調 - 精選輯

  • 播放次數

    0

  • 喜歡

    0

滿州聲音博物館(滿州民謠 Manzhou Ballad)

發佈時間 2021-01-21


歌詞

對唱 \ 滿州村 潘張碧英 謝陳玉霞
伴奏 \ 殼仔絃 徐寶發 大廣絃 尤昭明

我唱這歌 來勸世
相勸社會 眾大家
人生哲學 著徹底
總無紛爭 起冤家

人生出世 在世間
有人心肝 極粗殘
認路愛食 著愛賺
一日三頓 無為難

講起當今 的現世
爭名奪利 起冤家
信仰宗教 若徹底
這款的人 無幾個

做人有孝 上要緊
孝子自然 和六親
再傳子孫 年年進
得著春風 吹滿面

做人第一 愛有孝
孝子較有 好尾後
到時咱若 食到老
自然孝子 再出頭

勸咱大家 愛覺醒
現在正是 禍出時
人人若有 守慈悲
皇天一定 保佑伊

平素慈善 的心理
皇天一定 保佑伊
保護伊無 所不至
後來傳出 好子兒

現在虛華 的世界
鳥為食亡 人為財
能過世事 煞了代
死不帶去 生不來

勸咱大家 愛做好
世間借咱 來彳亍
善惡早晚 總會報
做歹終尾 受天遭

勸咱青年 莫做歹
為餓的人 天會知
死落陰間 的地界
閻王擬罪 上鍘台

在世有人 真慷慨
項項勤快 能安排
中心赤膽 無愛昧
眾人尊敬 正應該

...查看更多 收合


留言