欲共你講
李維
歌詞
想欲佮你講一寡仔話 但是你已經無佇遮
日子過了不知不覺 早就袂記你唱的歌
做眠夢 嘛無拄著你 聽音樂 嘛無你的聲音
毋知過偌久 記持干焦賰相片 一目𥍉仔就遐濟年
啊 想欲寄予你的批 只會當囥咧心頭底
啊 印象無賰偌濟 愛怎樣講出心內話
我過甲袂䆀 食飽穿暖 身邊閣有足愛的人
雖然工課袂趁錢 但是枵袂死 生活算起來猶閣四序
上班下班 騎oo-tóo-bái 逐工時間做伊踅呀踅
轉去共人租的厝 彈吉他 唱歌 日子勻勻仔行 我知影你恬恬咧看
較想你 嘛袂遐緊見面 這條歌 到時唱予你聽
毋知猶有偌濟 結佇心內幾句話 反來反去呀幾若暝
欲共你講(抖氣音收)
我和你仝款 真𠢕煮食 飼伊吃甲膨皮仔膨皮
雖然猶是會冤家 只是相欠債 吵吵鬧鬧嘛是做伙
日升月落 認真生活 有時慒心嘛愛笑微微
若是三更猶閣歹睏 就拍拚寫歌 我斟酌咧寫 嘛知影你有聽我的歌
毋知我當時轉去 嘛請你等我
...查看更多 收合