【散形suànn-hîng】demo
吳靜依 Jing Wu
介紹
若是垃圾 若是沃澹
只要洗洗撋撋 風吹來閣會焦
－
詞目：#散形
音讀：suànn-hîng
詞曲：#吳靜依
編曲、錄音、混音：#藥仙
－
臺語釋義：懶散、漫不經心。罵人行事不周全、忘東忘西。
華語釋義：死亡，消失。謂道徒遺其形骸而仙去。
歌詞
東爿的日頭開始赤焱 路內面的人敢若咧趕雞仔
光線照落落去有影鑿目 一工氣力強欲曝予臭火焦
南爿的燒風陣陣吹來 大路的人面腔激甲規丸
溫度熗了有影會害 精神就欲吹去另一个世界
我知影 我攏知影 代誌就是按呢規工綴咧紡
我佇咧看 我有佇咧看 你的目屎會使沐佇我遮
橫直 洗洗撋撋 等候 風吹日曝 看天地有偌闊
橫直 洗洗撋撋 等候 風吹日曝 咱就輕輕共放
西爿的日頭開始收煞 路內面的人敢若刁工拖沙
畫面看落落去 淡薄仔毋甘 轉到厝內就覕入去櫥仔
北爿的寒風猶未吹來 大路的人眼神冷甲會?
原來會使做的有限 想欲溫暖嘛想無辦法
我知影 我攏知影 代誌就是按呢規工綴咧紡
我佇咧看 我有佇咧看 你的目屎會使沐佇我遮
我嘛無條件 會替你拭汗 規工 規工
橫直 洗洗撋撋 等候 風吹日曝 看天地有偌闊 你講有偌闊
橫直 洗洗撋撋 等候 風吹日曝 咱就輕輕共放 輕輕共放
橫直 東南西北 一工到暗 閣繼續共紡 繼續共紡
橫直 明仔載 風吹來閣會焦
corinth12
挺好听的
Iûnn ngá-huī
足好聽❤️
happyday821
輕輕柔柔，好聽