李敏勇 ── 海的臆想 / 記憶
屏東文學筆記
介紹
《海的臆想》
佇房間裡
我掛一幅故鄉的海景
睏去了後
會當聽到海的聲音
寂靜的暗暝
海的聲音真響亮
叫著我的童年
彼款記憶
佇沙灘等待海水亻甲擦無去
佇夢內面
海拍著硓?石
白色的海湧照著月娘光
在拍著我的心
歌詞
《記憶》
佇每一個人的腦海
存在著地平線
沒給汙染的原野
佇頂面在飛的鳥仔
雲佇樹林裡慢慢行動
放映藍天的故事
遠方旅行者的批寄託在飛的葉子
風演奏著季節的情景
佇每一個人的胸坎
存在著水平線
沒給汙染的海洋
悠游佇裡面的魚仔
船佇防波堤外航行經過
描繪著碧海的情節
遠洋流滾人的嘆息落佇海湧
雨合唱著歲月的腳跡