心悶（Demo)
吳易叡
介紹
歌詞
按怎憂悶，按怎毋睏；
無時無陣，清醒失魂。
毋知月光，毋知日長；
無影無跡，枉費青春。
春雨袂煞，時間落霜；
半暝三更，一日準算。
熱熱愛情，親像火印；
年那久月那深，猶是心悶。
想著彼个寒天咱歡喜約束做伴
彼年春天雷聲響袂煞
彼日又閣眠夢著你，
膽膽行過來共阮相借問；
講日後花開的時陣若轉來，
敢閣有機會接紲緣份？
彼日又閣眠夢著你，
雄雄驚心身軀直直顫；
講是無張無持，跋落坑崁，
揣無一个所在thang好伸。
彼日猶原眠夢著你，
一時煞毋知欲佗位軁；
茫茫渺渺，目空烏荒，
掠準已經袂閣有天光。