阿芳仔个家族農業史
黃瑋傑
介紹
歌詞
光復無幾久 阿芳仔堵出世 家族還大種个時節
佢阿爸正過十八無幾久 初初啊兄弟共下硬頸來拚
到欸七歲 放學欸起勢愛 牽牛吃水 恁驚嘛愛學到會
燻菸仔時節 三四點䟘還吂上課 下菸仔歸夥房斯大細喊來傳
該下欸十三歲 家族分家過後 屋下又還過多事頭
細人斯愛大渡小 放學歸來 扌帣手燒柴煮飯旱水 麼个有愛
到欸十五歲 農業技術改良 農藥肥料 透來透去總加強
尞日時節細人仔 全趕去田坵項 鏟秧 㧡秧 挲草 全部有扌帣到
阿芳仔搣到十八歲 排隊離家等客運來 屋下斯繼續歸年農忙
兩期蒔禾來中秋過 無轉擺菸仔斯種啊到冬至後
來啊到二十六歲 討姐仔 屋下耕田賺到有錢 起過新个屋仔
降了細人仔爺哀扌帣手渡 兩公婆佇都市个事業專心顧
到欸三十二歲 細人帶啊都市去 愛佢等煞猛讀書拚第一
工商來大發展 經濟來大起飛 若似一路毋會停 飆啊哪欸去
一下欸就過四十歲 細人嘛愛十八歲 人喚佢上北拚成績 屋下事情毋使知
菸仔早就無種 過後無人交工 後生仔緊無人 老一輩緊無力
該現代化載入機器 載人出去
農家斯交了 一個又一個人 換來鐵牛車蒔田機 電腦同除草劑
這就係 阿芳仔 佢等三代人个 家族農業史
這就係 阿芳仔 佢等三代人个 家族農業史
厥老个佇庄下犁田耙土 作啊腰骨軟痛 項項硬門
阿芳仔都市項⻝人頭路 拚啊地暗天烏 頭那昏昏
後生仔一哪仔拂⻄拂東 試著無根無魂 尋無頭前路 茫茫渺渺麼人好相借問
老一輩就像該菸仔
葉仔係好銷 菸果敲來燒
阿芳仔就像該田菁仔
種恁多無用 分打忒个份
後生仔又像草
人畏斯緊挷高 人恨又生過多
三代人又像田坵
離鄉又離農 全燥溓淨嘛毋知痛
這就係 阿芳仔 佢等三代人个 家族農業史
這哪止係 阿芳仔 佢等三代人个 家族農業史
這嘛親像係 蓋多作穡人的 全家伙仔的 家族農業史
無成這就係 這細島仔 安到台灣个 近代農業史
[中譯]
光復沒多久 阿芳仔剛出生 還是大家族的時代
他阿爸才過十八沒多久 最初兄弟共同咬牙打拚
到了七歲 放學了開始要 牽牛喝水 再怕也要硬著頭皮學
燻菸葉時節 三四點起床還未上課 下菸葉要全夥房大小一起傳
那時候十三歲 家族分家過後 家裡多了更多工作
孩子要大顧小 放學歸來 幫忙燒柴煮飯熱水 樣樣都要
到了十五歲 農業技術改良 農藥肥料 摻來摻去總加強
放假時孩子們 全趕去田裡面 鏟秧 挑秧 娑草 全部有幫到
阿芳仔搞到十八歲 排隊離家等客運來 家裡是繼續全年農忙
兩期蒔禾來中秋過 沒停歇菸葉種到冬至後
來到二十六歲 娶老婆 家裡耕田有賺錢 起過新房
生了孩子父母幫忙顧 夫妻倆在都市的事業專心顧
到了三十二歲 孩子帶到都市去 要他們努力讀書拚第一
工商大發展 經濟大起飛 好似一路不會停 飆往何處去
一下子就過四十歲 孩子就快十八歲 人叫他北上拚成績 家中事無需多知
菸葉早已停種 之後無人交工 年輕人漸離去 老一輩漸無力
現代化載入機器 載人出去
農家交出 一個又一個人 換來鐵牛車插秧機 燻菸室和除草劑
這就是 阿芳仔 他們三代人的 家族農業史
這就是 阿芳仔 他們三代人的 家族農業史
他父輩在鄉下犁田耙土 作到腰骨酸痛 樣樣難做
阿芳仔都市上吃人頭路 拼到天昏地暗 頭昏腦脹
年輕輩則到處跌跌撞撞 感到無根無魂 尋無前方路 茫茫渺渺誰人好相借問
老一輩 就像菸業
菸葉甚好銷 菸梗敲來燒
阿芳仔 就像田菁
種再多沒效 等著被打掉
年輕輩 又像雜草
人厭就直抽高 人恨⻑得更繁茂
三代人又像田坵
離鄉又離農 全枯乾也不知痛
這就是 阿芳仔 他們三代人的 家族農業史
這何止是 阿芳仔 他們三代人的 家族農業史
這也像是 甚多耕田人 全家人的 家族農業史
難不成這就是 這小島 叫做台灣的 近代農業史
羅亦竣
好讚