Jī-tsa̍p-sann（二十三）

「越頭就二十三 都市 ê 浮沉囡仔」

當思念的距離被拉得好開好開，
那歲月靜好的數字才兀自浮現。

面對偌大的火山口，
以及關係戛然而止的斷線，
在耳邊輕輕響起的旋律，
是生命若有似無的嘆惋，
也是無常年歲的呢喃。

遺憾說得太多，
感謝說得太少，
總要在八千里路雲和山之際，
才得以安放那些無以言說的話。

把握當下，好好愛，好好恨；好好吃飯，好好睡覺。

「佇過去 ê 二十三年 望你 感謝行到遮 ê 家己」
————————————

♩ 音樂製作 Music Production

作詞 Lyricist｜李冠郁 Cleven Lee
作曲 Composer｜李冠郁 Cleven Lee
製作人 Producer｜李冠郁 Cleven Lee
監製 Executive Producer｜林嘉榕 Fiona Lin
演唱 Vocal｜李冠郁 Cleven Lee
編曲 Arrangement｜林嘉榕 Fiona Lin
電吉他編曲&演奏 Electric Guitar & Arrangement｜林嘉榕 Fiona Lin、許宸 Chen Hsu
弦樂編寫 Strings Arrangement｜林嘉榕 Fiona Lin
和聲 Backing Vocal｜李冠郁 Cleven Lee
和聲編寫 Backing Vocal Arrangement｜林嘉榕 Fiona Lin、李冠郁 Cleven Lee
音訊編輯 Editing｜林嘉榕 Fiona Lin、李冠郁 Cleven Lee、龍夢翔 Lung Huang
混音師 Mixing Engineer｜龍夢翔 Lung Huang

特別感謝 Special Thanks
臺文文字顧問＆臺語文校正與建議 Taiwanese Language Specialist & Editing Consultant｜陳亮均 TÂN Liāng-kun

〈Jī-tsa̍p-sann 二十三〉
詞/曲：李冠郁 Cleven Lee

越頭就二十三 都市 ê 浮沉囡仔
Ua̍t-thâu tiō jī-tsa̍p-sann, too-tshī ê phû-tîm gín-á.
佇無人熟似 ê 城市拚 拄仔用家己 ê 鼎
Tī bô lâng si̍k-sāi ê siânn-tshī piànn, tú-á iōng ka-kī ê tiánn.

面前也全是孤單 天氣mā愈來愈寒
Bīn-tsîng iā tsuân sī koo-tuann, thinn-khì mā lú-lâi-lú-kuânn.
思念 ê 人無地看 頭犁犁繼續行
Su-liām ê lâng bô-tè-khuànn, thâu-lê-lê kè-siok kiânn.

奢颺 ê 交換享受生活
Tshiann-iānn ê kau-uānn hiáng-siū sing-ua̍h,
心內煞毋捌放下
sim-lāi suah m̄-bat hòng-hā.
日子一場空 笑我做夢
Ji̍t-tsí tsi̍t tiûnn khang, tshiò guá tsuè-bāng,
趕 袂著準時 ê 彼幫火車
kuánn buē tio̍h tsún-sî ê hit pang hué-tshia.

我踮佇異鄉 ê 海岸 想欲大聲喝
Guá tiàm tī ī-hiong ê hái-huānn, siūnn-beh tuā-siann huah.
真心對待身邊上愛 ê 人 無論春夏秋冬
Tsin-sim tuì-thāi sin-pinn siōng ài ê lâng, bô-lūn tshun-hā-tshiu-tang.
假使若一切攏註定 也毋免驚惶
Ká-sú nā it-tshiat lóng tsù-tiānn, iā m̄-bián kiann-hiânn.
疼惜你珍惜 ê 價值佮伴 紲落來唱阮人生 ê 歌
Thiànn-sioh lí tin-sioh ê kè-ta̍t kah phuānn, suà-lo̍h-lâi tshiùnn gún jîn-sing ê kua.

越頭就二十三 離開爸母 ê 相晟
Ua̍t-thâu tiō jī-tsa̍p-sann, lî-khui pē-bú ê sio tshiânn.
無人佇身軀邊做伴 體會無情世間寒
Bô lâng tī sin-khu-pinn tsuè-phuānn, thé-huē bô-tsîng sè-kan kuânn.

陷眠也陷袂煞 煩惱未來 ê 飯碗
Hām-bîn iā hām buē suah, huân-ló bī-lâi ê pn̄g-uánn.
枉費序大用心來晟 袂記咱家己 ê 名
Óng-huì sī-tuā iōng-sim lâi tshiânn, buē kì lán ka-tī ê miâ.

我踮佇異鄉 ê 海岸 想欲大聲喝
Guá tiàm tī ī-hiong ê hái-huānn, siūnn-beh tuā-siann huah.
真心對待身邊上愛 ê 人 無論春夏秋冬
Tsin-sim tuì-thāi sin-pinn siōng ài ê lâng, bô-lūn tshun-hā-tshiu-tang.
假使若一切攏註定 也毋免驚惶
Ká-sú nā it-tshiat lóng tsù-tiānn, iā m̄-bián kiann-hiânn.
疼惜恁珍惜 ê 價值佮伴 紲落來唱咱人生 ê 歌
Thiànn-sioh lín tin-sioh ê kè-ta̍t kah phuānn, suà-lo̍h-lâi tshiùnn lán jîn-sing ê kua.

毋願睏眠 ê 幾若半暝 目屎漸漸咧滴
M̄-guān khùn-bîn ê kuí-nā puànn-mî, ba̍k-sái tsiām-tsiām leh tih.
佇過去 ê 二十三年 望你 感謝行到遮 ê 家己
Tī kuè-khì ê jī-tsa̍p-sann nî, bāng lí, kám-siā kiânn kàu tsia ê ka-tī.

我踮佇異鄉 ê 海岸 想欲大聲喝
Guá tiàm tī ī-hiong ê hái-huānn, siūnn-beh tuā-siann huah.
真心對待身邊上愛 ê 人 無論春夏秋冬
Tsin-sim tuì-thāi sin-pinn siōng ài ê lâng, bô-lūn tshun-hā-tshiu-tang.
假使若一切攏註定 也毋免驚惶
Ká-sú nā it-tshiat lóng tsù-tiānn, iā m̄-bián kiann-hiânn.
疼惜恁珍惜 ê 價值佮伴 繼續大聲唱人生 ê 歌
Thiànn-sioh lín tin-sioh ê kè-ta̍t kah phuānn, kè-siok tuā-siann tshiùnn jîn-sing ê kua.

越頭過二十三 猶原是一个戇囝
Ua̍t-thâu kuè jī-tsa̍p-sann, iû-guân sī tsi̍t ê gōng-kiánn.
時間咧行無等我 佳哉有恁佇遮
Sî-kan leh kiânn bô tán guá, ka-tsài ū lín tī tsia.