〈恆春行腳花〉 敘事詩 董月滿唸詞
恆春半島民謠
介紹
詩詞／林鳳珠
唸詞／董月滿
歌詞
恆春古早叫琅嶠 偏僻朝廷管未到
自從牡丹事件了 城門砌起來顧牢牢
四個城門砌起來 東南北向照位排
毋敢仰對皇城去 西邊兮城門無正西
琅嶠兮意思是蘭花 排灣兮原民置茲起家
後來漢人才來企做夥 恆春兮新名屬大家兮
中秋過後近重陽 半島就摳起落山風
大透會予人翻車輪 風颱嘛無咨爾強
透風佳在有時陣 那透有時那歇睏
風止遊客來歸大群 海上兮遊艇就好出船
會面兮季節是涼秋 會面兮所在置滿州
會面兮時間無長久 獵鳶佮人攏是暫停留
鵝鑾更過是港口 港口兮茶名聲透
韻味著愛認予夠 這是苦甘毋是厚
三月開始出風蔥 色水有黃也有紅
落山風透才會質無共 炒蛋生呷甜更香
大如車輪景最奇 來看旭海日出時
啊若落日就關山去 晚霞幻彩美如詩
溫泉溢出四重溪 水質南台第一兮
毋止咱兮人愛來洗 日本也無洗都毋轉回