有人為著家己的利益 將人分成兩爿
有人為著愛人的意義 無願意由愛生恨
有人為著佔有權力 愈來愈殘忍
有人為著做人的真理 共人性囥咧頭前
人生拄著酷橫的難關 戲是欲安怎搬
記得自由囥佇心肝內 夢想會當一擺擱一擺
人生拄著酷橫的難關 歌是欲安怎寫
若是行到雙叉路的時陣 相信你家己
你會做出上好的決定 因為你有上好的心
人生拄著酷橫的難關 戲是欲安怎搬
記得自由囥佇心肝內 背後真濟艱苦的目屎
人生拄著酷橫的難關 歌是欲安怎寫
若是行到雙叉路的時陣 相信你家己
你會做出上好的決定 因為你有上好的心