5.林秀媚（DEMO）
裝咖人
介紹
阿欽，我知影你是袂閣轉來矣。我有聽著你佇厝外哭規暝的聲，彼工你轉來（tńg--lâi），規身軀全全血，胸坎的血空足驚人（kiann--lâng），你覆佇桌仔頂哭，彼陣，我就知影你袂閣轉來矣。咱的屘囝（ban-kiánn）有一暗共我講，伊看著阿爸徛佇蠓罩外口，彼陣，我閣較知影，你是永遠永遠袂閣轉來矣。
我毋是古早彼款苦情的查某人，你胸坎前的批我有看矣，喪葬費用三仟箍我已經還（hâinn）矣。你就萬事放下，厝內大大細細現此時攏平安平靜。我想無，咱愛當時（tang-sî）才毋免驚死踮機關銃口？
阿欽，三牲四果，就來鑒納（kàm-la̍p），一路平安。
...查看更多 收合歌詞
〈林秀媚〉
天啊已經清光光 你啊前跤踏出門
講今日當好時 招阮出門散散心
我想無 哪會毋綴你來去？
你敢有 閣來的清光的日子
寒天水冷清清 厝內只有阮精神
三千箍 我已經還 米嘛有夠用
你轉來彼一工 阮䖙佇眠床頂
神明廳紅赤赤 厝後一陣一陣
天是清光 日是好日 是哭阮是哭阮
你跍佇遐啊 毋願起身啊 一陣一陣
觀音（im）菩薩救苦救難 踅矣踅 轉矣轉
你轉來彼一工 倒佇四人扛的床
神明廳黑嘛嘛 厝內一陣一陣
天是清光 日是好日 是哭阮是哭阮
阮跍佇遐啊 毋願起身啊 一陣一陣
觀音菩薩救苦救難 踅矣踅 轉矣轉
轉來厝內 揣囝兒序細 看亻因睏佇眠床
拜請拜請
拜請觀音菩薩 拜請文殊菩薩
拜請地藏菩薩 拜請拜請
拜請嘉義盧炳欽（píng-khim） 安心放下保萬民
厝內序細攏平靜 目屎袂落林秀媚
有時你會哭規暝（mê） 有時你會坐桌頂
等亻因彼工攏落去 菩薩面前講予明
拜請陳澄波（tîng-pho） 拜請蔡鐵城
拜請盧炳欽 拜請拜請 退駕
路路微
有没有会说闽南语的网友，能不能帮忙翻译一下，谢谢。
大大大優惠
我跟好多朋友推了這首歌，希望大家都能來聽
ㅎㅎ
好喜歡這首。
去查了二二八關於盧炳欽最後寫給妻子林秀媚的遺書，配上這首歌，每次聽都好想哭。
而且真的好喜歡這麽一個悲傷的故事卻被唱的這麼輕快明亮，真的好溫柔好喜歡?
希望這些歷史這些情感這些逝去的人，都可以被如此溫柔的記憶。