庄跤人的浪漫(Demo)
Kai-Sheng
介紹
【107臺灣原創流行音樂大獎】入圍歌曲
緊湊節奏的現代社會，誰還曾留意周遭的生活百態？
誰還記得孕育自己的土地與環境？
誰還記得人們相處之間最純樸、最原始的感動？
慢慢的活，慢慢的走，慢慢的愛，
以現代庄跤人的視角，細細體會屬於【庄跤人的浪漫】。
歌詞
【庄跤人的浪漫】
詞曲/編曲/演唱：王凱生
天色拄好拍殕光 日頭就共我擽尻川
早頓是豆奶配饅頭 吃飽就攏總免煩惱
趕緊出門好?迌 牛屎佇路中莫踏到
你問我是啥物人 嘿 倯倯的庄跤人
庄跤人 我是庄跤人 倯倯的庄跤人
彼爿彼个歐巴桑 跤踏車給你騎逆向
這旁這个歐吉桑 鐵牛車駛佇咧路中央
抵著熟似的人 停佇路中開講
你問(亻因)是啥物人 哈 古錐的庄跤人
講話是台灣國語 ?訐譙問你呷飽未
這款感覺真趣味 啊 這著是
庄跤人的浪漫
庄跤人的浪漫
鄉下人的浪漫
鄉下人的浪漫
載姼仔出門去約會 雄雄煞毋知欲去佗
停佇咧路邊練痟話 妳問我為啥物毋禁火
因為妳水嘎親像花 冷氣咧吹卡袂蔫
妳說我是這款人 啥 古意的庄跤人
庄跤人 我是庄跤人 古意的庄跤人
看著路邊的狗仔 生著一堆狗仔囝
無人飼又閣無通呷 枵甲身軀是瘦卑巴
我拿麥當勞予(亻因)呷 (亻因)歡喜共我搖尾巴
妳說我是這款人 咦 善良的庄跤人
雖然阮無啥讀冊 ABCD是攏聽無
但是阮是真實在 啊 這著是
庄跤人的浪漫
庄跤人的浪漫
鄉下人的浪漫
鄉下人的浪漫
慢慢 慢慢仔活 慢慢 慢慢仔走
慢慢 慢慢仔愛 呷緊會撞破碗
倯倯的庄跤人 古錐的庄跤人
古意的庄跤人 善良的庄跤人