《猶原思念 Iû-guân su-liām》 [Past us. Now me.] (DEMO)

懷念著咱的過去
huâi-liām tio̍h lán ê kùe-khì

只賰一个人　嘛是愛繼續行
tsí tshun tsı̍t ê lâng　mā-sī ài kè-sio̍k kiânn

=========

一陣對宜蘭來的少年
tsı̍t tīn uì Gî-lân lâi ê siàu-liân

用音樂寫出家己的心情
iōng im-ga̍k siá-tshut ka-kī ê sim-tsîng

一个人關踮咧房間（tsı̍t ê lâng kuainn tiàm--leh pâng-king）
哪會看無較早的形影（ná ē khuànn-bô khah-tsá ê hîng-iánn）
音樂共開甲上大聲（im-ga̍k kā khui kah siōng-tuā-siann）
嘛崁袂過對你的思念（mā khàm buē kuè tuì lí ê su-liām）
　
心沉重（sim tîm-tāng）
燒酒一杯啉呼礁（sio-tsiú tsı̍t pue lim hōo ta）
一个人的電影（tsı̍t ê lâng ê tiān-iánn）
欲按怎搬（beh án-tsuánn puann）
心凌亂（sim lîng-luān）
過去親像是眠夢（kuè-khì tshin-tshiūnn sī bîn-bāng）
兩个人的生活（nn̄g ê lâng ê sing-ua̍h）
一目?（tsı̍t-ba̍k-nih）
煞變成空（suah piàn-sîng khang）
　
恬恬咧行佇咧路邊（tiām-tiām--leh kiânn tī-leh lōo-pinn）
無你的日子猶未慣勢（bô lí ê lı̍t-tsí iah-būe kuàn-sì）
看著流星閃過天邊（khùann-tio̍h liû-tshinn siám kùe thinn-pinn）
你敢會閣轉來阮身邊（lí kám-ē koh tńg-lâi gún sin-pinn）
　
心沉重（sim tîm-tāng）
燒酒一杯啉呼礁（sio-tsiú tsı̍t pue lim hōo ta）
一个人的電影（tsı̍t ê lâng ê tiān-iánn）
欲按怎搬（beh án-tsuánn puann）
心凌亂（sim lîng-luān）
過去親像是眠夢（kuè-khì tshin-tshiūnn sī bîn-bāng）
兩个人的生活（nn̄g ê lâng ê sing-ua̍h）
一目?（tsı̍t-ba̍k-nih）
煞變成空（suah piàn-sîng khang）
　
心沉重（sim tîm-tāng）
燒酒已經啉呼礁（sio-tsiú í-king lim hōo ta）
一个人的生活（tsı̍t ê lâng ê sing-ua̍h）
嘛是愛行（mā-sī ài kiânn）
心凌亂（sim lîng-luān）
過去當做是美夢（kùe-khì tòng-tsuè sī bí-bāng）
兩个人的咒誓（nn̄g ê lâng ê tsiù-tsuā）
著共伊（tio̍h kā-i）
囥踮心肝（khǹg tiàm sim-kuann）