是你：獻予阿嘉老師
哈力桑
歌詞
（「阿嘉請你也保重」前奏）
位島嶼四墘欲轉去淡水，
未赴趕天光的尾班車，想欲停睏；
暮色的海岸，已經無雲彩，
你的頭鬃佇文學的格子頂，繼續留長。
熱情滿腹，唱歌的形影；
找無唸詩的酒伴，淡薄仔寒。
惦惦是你，聲嗽懸懸也是你；
你的酒杯閣滇滇，你佇阮心內攏袂醉。
（「淡水暮色」間奏）
歌詩無戀情，伴奏失落語言的小夜曲。
燒酒厚情意，天涯海角總是著分開。
（副歌）
逐遍攏是你，相挺無推辭；
逐遍攏是你，陪阮到半暝。
無你的教室，若像空空的城市；
無你的牽教，阮按怎攏綴袂著陣。
想欲閣作伙，唱歌唸詩，
想欲閣作伙，乾杯鬥陣，
文學是你，寫盡人生鹹酸甜；
燒酒是你，像淡水的雨落袂離。
（「阿嘉請你也保重」尾奏）
...查看更多 收合