香味：為松菸運動
哈力桑
歌詞
菅芒花，白無味，生來不著時。
無玉葉，無金枝，啥人會佮意？
籃仔花的香味，té一寡稀微。
是月娘phàng見彼暝，相思摻雨水，
承攏承袂滇。
老樟仔的香味，thàu淡薄仔甜蜜。
是烏秋離鄉彼日，越頭看樹枝，
毋甘teh咬嘴唇。
百合花的香味，佮風作伙開；
Úi山野湠(thoàⁿ)到海墘，行過千萬里，
擔頭聽候天光時。
玫瑰花的香味，溫純為著君。
毋管暝長雨綿綿，愛kap和平的路
袂驚遠。
菅芒花，白文文，出世在寒門，
無美貌，無青春，啥人來溫存？
註：
第一、六段為許丙丁詞、鄧雨賢曲之〈菅芒花〉。