水上一九四七
哈力桑
歌詞
落雨彼日，天氣恟恟反冷。
田頭圳水無巡，田尾稻花袂媠；
菸才剝離，稻期接續，日子免閣疏開。
日頭著還袂落山，那會看無田岸？
我無張無持跋入路溝，找無依偎。
雨水沃澹路燈，點燾的菸骨猶袂燾盡
是怎樣這個黃昏，比一般時過了較緊？
敢是眠夢？若是，安怎袂有清醒？
鋤頭變作槍尾、圳水溪水轉濁；
菸葉稻花染著紅、雞仔鳥仔亦袂赴走閃。
彼一工，佇落雨彼日。
彼日經過了後，月娘就惦惦毋走，
據在風透、無管雨刮，徛佇天邊，陪汝聽候。
Chorus
已經袂記得菸味，只剩暗頓的芳氣，
只是我的雙腳伸攏袂直、兩蕊目睭撐攏袂開。
請你免替我驚疑，佇溝底有真濟人作陣；
佇汝睏袂落眠的時，我攏會轉去看汝。