煙酒歌

詞: 陳達儒 曲：蘇桐　
原唱：胡美紅

錄音、混音：梁祐鈞
錄音室：灰帽Studio
母帶後製：Sterling Studio (US)
後製工程師：Ted Jensen

感謝常夏音樂著作授權

天 光　窗 外 鳥　啼 叫
Thinn-kng thang-guā tsiáu thê-kiò

出 門　做　工 　 手 哪 搖
Tshut-mn̂g tsuè-kang tshiú ná iô
滿　面　春 風　 哈 哈 笑
Muá-bīn-tshun-hong ha-ha-tshiò
友　喂 啊　 錢　 著 惜
Iú —ueh -iah tshînn tio̍h sioh
食　薰 咱 著　 來 吃　 香 蕉
Tsia̍h-hun lán tio̍h lâi tsia̍h hiong-tsio

朋　友 毋 通 　 跤　手　軟
Bîng-iú m̄-thang kha-tshiú nńg

毋　通　失 戀　 心 酸 酸
M-thang sit-luân sim-sng -sng

做　工 咱 為 　 三 頓 飯
Tsuè-kang lán uī sann-tǹg-pn̄g

友　喂 啊　 聽　 我 勸
Iú—ueh-iah thiann-guá khǹg

食　薰　咱 著　 來 吃　樂 園
Tsia̍h-hun lán tio̍h lâi tsia̍h lo̍k -hn̂g

見　著　愛 人　 毋 敢 講
Kìnn-tio̍h ài-jîn m̄-kánn kóng

心 　肝　驚　驚　 面 　發 紅
Sim-kuann kiann-kiann bīn huat-hông

食　 酒　助　氣 會　勇 壯
Tsia̍h-tsiú tsōo-khì ê ióng-tsòng

友　喂 啊 　愛 清 爽
Iú—ueh- iah ài tshing-sóng

食 酒 咱 著　 來 吃　芬 芳
Tsia̍h-tsiú lán tio̍h lâi tsia̍h hun-hong

青 　春　戀 愛　 三 　 線 路
Tshing-tshun luân-ài sam-suànn-lōo
路 途　常 　行　 　袂　 生 疏
Lōo-tôo siông-kiânn būe tshinn-soo
酒 後　上　好 這　 地 所
Tsiú-āu siōng-hó tse tē- sóo

友 　喂 啊　 有 妹 顧
Iú—ueh- iah iú -muē kòo
食　 酒　咱 著　 來 吃　 紅 露
Tsia̍h-tsiú lán-tio̍h lâi tsia̍h âng-lōo