阿却姨

#阿媽講予媽祖聽的心聲

創作人：王俊傑 製作人：吳永吉

武雄讚美其：「聽完這首歌彷彿看完一齣戲，說書的功力相當到位。」製作人吉董也表示創作者現場演唱感染力很強，所以他選擇模擬現場自彈自唱形式錄音，除了讓音樂更有臨場感，也可以讓聽者感受到歌者現場演奏的實力及感動。整首歌以半唱半唸的方式呈現，希望凸顯演唱人感情自然流露無遺！
有「鋼琴詩人」美譽的王俊傑，因視神經萎縮而先天全盲，自小便離家到台北求學。靠著堅定的意志證明了他的才華，並受到唱片圈多方矚目成為流行音樂界知名編曲及唱片製作人，他精通演唱、演奏、詞曲創作、編曲、配唱製作。這首歌主要描述一個獨居九十歲的阿嬤，看著一輩子的家當卻不知如何收拾，想著不久房子就要被拆遷，於是去媽祖廟向媽祖訴說心事，去村子跟鄰居們道別，創作人用最簡單的編曲元素，讓大家彷彿回到媽祖廟口，聽說書人說一段久遠的故事。

# 每工透早 天才拄拍殕光
阿却姨就趕緊起來煮早頓
以早是煮予一陣囡仔食
這馬 是煮予伊家己食
食飽閒閒 罔行罔散步
四界罔看當做若運動
行來到媽祖廟口 佮一陣姊妹仔伴
心內話提出來罔講 #

怹講前講後講過去 講東講西講現在
但是毋捌聽怹講未來
若是心頭掠袂定 就來講予媽祖聽
(噯)心內的話無人疼 無人通知影
歲頭食到遮 其實嘛無向啥
祈求囝孫平安 身體勇健

# 阿却姨三十五歲就來守寡
一陣囡仔遮大陣 一開喙就討欲愛食
彼陣細漢的半暝仔發燒 趕緊欲注射
醫生講就愛緊蹛院 若無是會無性命
彼陣怹兜是散到強欲予鬼仔掠
阿却姨煩惱甲毋知欲按怎
佳哉 佳哉隔壁阿珠怹兜蓋有量
出來共怹鬥打扎 #
若無毋知欲按怎 毋知欲按怎 欲按怎
伊那講又閣那越頭 講咱遮的姊妹仔 實在予恁真勞力
幾若十年攏予恁鬥相共 恁攏是我的人情人
伊那講又閣喙那笑 講實在可憐喔 咱哪會逐家攏仝款

日頭將欲沉落西
等一句歹勢一直攏等袂來
若想欲流目屎 無愛哭予別人知
吞落腹內 笑容展出來
啊~無啥物通掛礙
月娘斜西 日頭浮出來

# 今仔日透早 天閣才拄拍殕光
阿却姨就趕緊起來打扮閣兼梳妝
伊厝前厝後 一遍來一遍去
看閣再看 巡閣再巡
伊講遮的一花一草 伊攏欲共認予真 記予明 #

行來到媽祖廟口 規陣姊妹仔攏咧等候
怹攏穿著彼軀上新的老旗袍
怹講政府就有需要 今仔咱攏欲來搬走
來去予囝孫仔共咱有孝
上毋甘的就是幾十年的厝邊兜

心內的話無人疼 無人通知影
心頭掠袂定 就來講予媽祖聽
保庇咱此去攏好命

日頭將欲沉落西
等一句歹勢一直攏等袂來
若想欲流目屎 無愛哭予別人知
吞落腹內 笑容展出來
啊~無啥物通掛礙
月娘斜西 日頭浮出來
啊~無啥物通掛礙
月娘斜西 日頭浮出來