你敢放袂記 lí kám pàng bē kì (demo)

取材自 白居易《後宮詞》
後宮的宮女，等不到君王的到來，難過得睡不著覺。
像是和心儀的對象在曖昧裡面周旋，有一天沒有消息也問不出原因，
曾經有過的美好回憶，是不是對方都沒有放在心上呢？
帶著無法傾訴的心情，獨自難過，孤單、失眠到天明。

歌詞解釋：

講天講地
kóng thinn kóng tē
講鱟桸
kóng hāu hia
講飯篱
kóng pn̄g lē

鱟桸 = 用鱟殼做成的舀水用具
飯篱 = 竹製的舀米瀝去米汁的用具
意指 天南地北的聊天 無話不說

羅巾的色水
lô kin ê sik tsuí
已經退色
í king thè sik
想欲夢著你 煞失眠
siūnn bē bāng tio̍h lí suah sit bîn
有遐爾濟的 過去
ū hiah nī tsē ê kuè khì
敢講你 全部 放袂記
kám kóng lí tsuân pōo pàng bē kì

又閣是仝款的暗眠
iū koh sī kâng khuán ê àm mî
月娘遐爾媠
Gue̍h niû hiah nī suí
摻你做伙唸歌詩
tsham lí tsò hué liām kua si
你敢猶會記？
lí kám iáu ē kì

欠一个畫面
khiàm tsi̍t ê uē bīn
是我佮你閣坐鬥陣 嗯～
sī guá kah lí koh tsē tàu tīn
是啥物情形
sī siánn mi̍h tsîng hîng
敢有人通說明
kám ū lâng thang suat bîng

淚溼羅巾夢不成
luī sip lô kin bōng put sîng
夜深前殿按歌聲
Iā sim tsiân tiān àn ko sing
紅顏未老恩先斷
hông gân bī ló un sian tuān
斜倚薰籠坐到明
siâ í hun lông tsō tò bîng

是你講的話
sī lí kóng ê uē
講我的美麗
kóng guá ê bí lē
會囥咧心內底
ē khǹg leh sim lāi té
怎樣攏無回
tsuánn iūnn lóng bô huê
敢講一切 攏是 白賊話
kám kóng it tshè lóng sī pe̍h tsha̍t uē

是啥物問題
sī siánn mi̍h būn tê
我的一切 閣綴你 颺颺飛
guá ê it tshè koh tuè lí iānn iānn pue
怎樣攏無回
tsuánn iūnn lóng bô huê
哪會無聲無說
ná ē bô siann bô suè

又閣是仝款的暗眠
iū koh sī kâng khuán ê àm mî
月娘遐爾媠
Gue̍h niû hiah nī suí
想你做伙唸歌詩
siūnn lí tsò hué liām kua si
你敢猶願意？
lí kám iáu guān ì

是你講的話
sī lí kóng ê uē
講我的美麗
kóng guá ê bí lē
會囥咧心內底
ē khǹg leh sim lāi té
怎樣攏無回
tsuánn iūnn lóng bô huê
敢講一切 攏是 白賊話
kám kóng it tshè lóng sī pe̍h tsha̍t uē

敢猶有機會 （和你）
kám iáu ū ki huē （hām lí）
講天講地 鱟桸佮飯篱
kóng thinn kóng tē hāu hia kah pn̄g lē
怎樣攏無回 （攏無回）
tsuánn iūnn lóng bô huê （lóng bô huê）
敢是眠夢 我猶睏袂醒
kám sī bîn bāng guá iáu khùn bē tshénn

淚溼羅巾夢不成
luī sip lô kin bōng put sîng
夜深前殿按歌聲
iā sim tsiân tiān àn ko sing
紅顏未老恩先斷
hông gân bī ló un sian tuān
斜倚薰籠坐到明
siâ í hun lông tsō tò bîng