失落都市

「全新專輯 同名主題曲」
-
失落 徬徨離家走闖的心
都市 思念歸鄉等待的人
「繁華若夢 夢醒成空⋯」
-
作詞 Lyricist | 阿鈞 Po-Chun
作曲 Composer | 阿鈞 Po-Chun
編曲 Arranger | 北迴線 Northern / 翔翔翔 Wubaii

製作人 Producer | 翔翔翔 Wubaii
配唱製作人 Vocal Producer | 翔翔翔 Wubaii
合聲編寫 Backing Vocal Arranger | 阿鈞 Po-Chun / 翔翔翔 Wubaii

主唱 Vocal | 阿鈞 Po-Chun
吉他 Electric Guitar | 家樵 Jake
吉他 Electric Guitar | 又彰 Jace
貝斯 Bass | 艾斯里 Andy / 家樵 Jake
鼓 Drum | 孟勳 Jimmy Tsai

錄音師 Recording Engineer | 陳柏勳 Sean Chen
混音師 Mixing Engineer | 翔翔翔 Wubaii
鼓技師 Drum Technician | 毛恩 Mou
混音錄音室 Mixing Studio | 深海魚雷 DOT Music Studio
母帶後期工程師 Mastering Engineer | 翔翔翔 Wubaii
母帶後期錄音室 Mastering Studio | 深海魚雷 DOT Music Studio
標準字設計 Typography | 吳建龍 FKWU
台語歌詞用字調整 Taigi Correction | 阿東 A-Tong

月娘笑阮 敢會知影
gue̍h-niû tshiò gún kám ē tsai-iánn
花蕊的紅 夜色的暗
hue-luí ê âng iā-sik ê àm

都市霓虹 敢會照阮
too-tshī gê-hông kám ē tsiò gún
故鄉的人 眠床的夢
kòo-hiong ê lâng bîn-tshn̂g ê bāng

「失落的心 都市的人…」
sit-lo̍h ê sim too-tshī ê lâng

｜離開的彼一工 我的 目屎 哪會 直直的流
lī-khui ê hit tsi̍t kang guá ê ba̍k-sái ná-ē ti̍t-ti̍t leh lâu
｜猶原是彼个人 一款 兩款 三款 走傱的夢
iu-guân sī hit ê lâng tsi̍t khuán nn̄g khuán sann khuán tsáu-tsông ê bāng
｜花開的彼一冬 彼个 故鄉 恬恬 等待的人
hue khui ê hit tsi̍t tang hit ê kòo-hiong tiām-tiām tán-thāi ê lâng
｜流血抑是流汗 佇這 失落 都市
lâu-huih ia̍h-sī lâu-kuānn tī tse sit-lo̍h too-tshī

天頂的星 閃爍規暝
thinn-tíng ê tshinn siám-sih kui mî
流浪稀微 「等待何時…」
liû-lōng hi-bî tán-thāi hô-sî

「繁華若夢 夢醒成空…」
huân-huâ ná bāng bāng tshínn sîng khang

｜離開的彼一工 我的 目屎 哪會 直直的流
lī-khui ê hit tsi̍t kang guá ê ba̍k-sái ná-ē ti̍t-ti̍t leh lâu
｜猶原是彼个人 一款 兩款 三款 走傱的夢
iu-guân sī hit ê lâng tsi̍t khuán nn̄g khuán sann khuán tsáu-tsông ê bāng
｜花開的彼一冬 彼个 故鄉 恬恬 等待的人
hue khui ê hit tsi̍t tang hit ê kòo-hiong tiām-tiām tán-thāi ê lâng
｜流血抑是流汗 佇這 失落 都市
lâu-huih ia̍h-sī lâu-kuānn tī tse sit-lo̍h too-tshī

｜凌亂的彼一暗 時間 哪會 偷偷 帶走思念
lîng-luān ê hit tsi̍t àm sî-kan ná-ē thau-thau tshuā tsáu su-liām
｜仝款是彼个人 一冬 兩冬 三冬 Ohhhh~
kāng-khuán sī hit ê lâng tsi̍t tang nn̄g tang sann tang Ohhhh~
｜花謝的彼一冬 彼个 故鄉 猶原 等待的人
hue siā ê hit tsi̍t tang hit ê kòo-hiong iu-guân tán-thāi ê lâng
｜看有抑是看破 離開 失落 都市
khuànn-ū ia̍h-sī khuànn-phuà lī-khui sit-lo̍h too-tshī