像我這款人
楊肅浩
介紹
在愛情裡，你是什麼樣的人？
有沒有哪一段回不去的感情，還留著幾許愧疚與抱歉，後悔那個時候，自己沒辦法給出最好的。又或者，是什麼一點一滴磨損情感，回頭才發現，遇見那個「他」的自己，是多麽幸運。
給你一把鑰匙，可以打開什麼樣的過去與未來？
...查看更多 收合歌詞
我這款人啊 講來嘛無啥
不時囥一捾鎖匙佇橐袋仔
拍會開的是過去的運命
拍袂開的是彼本戶口簿仔
我這款人啊 定定驚孤單
有幾支鎖匙 前後囥佇怹遐
生活 化妝是欲予啥人看
幾支鎖匙閣轉來倒邊的屜仔
一台車 來來去去幾个聲
嘛是貼心 乖巧 溫柔的名
副駕駛的位 空空佇遐
越頭無人問阮欲食啥
像我這款人啊 只顧家己快活
性地一來真濟代誌袂收山
一个看袂著對方需要的伴
有啥物資格去期待人穿新娘衫
像我這款人啊 叫是家己偌奢颺
心內蹛一个猶未大漢的囡仔
遺憾是分開了後才知影
予人愛過的彼个我 有偌好命
像我這款人啊 閣通期待啥
欲講的話到尾嘛是講袂伸捙
袂當予伊好命的查某囡仔
嘛是曾經刻佇心肝的名
像我這款人啊 落塗就註定
註定是四界流浪的囡仔
遺憾是彼條圍巾猶囥佇遐
像我這款人啊 孤單 拄好爾爾
遺憾是上好的青春留佇遐
像我這款人啊 孤單 拄好爾爾