守牛調 (阮的故鄉在滿州)
滿州聲音博物館(滿州民謠 Manzhou Ballad)
介紹
undefined
...查看更多 收合歌詞
演唱：曾金美
彈奏：殼仔絃 徐寶發
作詞：
作曲：守牛調
歌詞：
1.
蒙正失運做乞食咧
出身做到狀元爺咧
做人若知著打拼咧
欲食欲穿不免驚咧
仁貴舉箭欲射雁咧
射死伊子薛丁山
欲食欲穿著討探咧
不通四界仰別人咧
2.
出世做人著拖磨咧
為著家庭操心肝咧
希望後日好名聲咧
著愛勞碌來打拼咧
近來事業滿滿是咧
人人心肝想趁錢
工業社會真賢變咧
不通戆神被人騙咧
3.
天邊白雲起遊絲咧
歸日好天是可期咧
做人做事專心意咧
將來成功著是伊咧
若欲掃厝掃壁孔咧
若欲洗面洗鼻孔
做人做事無對同咧
勞碌打傾無彩工咧
4.
細漢釣魚在溪邊咧
大尾鱸鰻斷索去咧
心猶不甘潛水覓咧
往事只堪暗回憶咧
有時唱歌交朋友咧
有時唱曲解憂愁
唱出民謠相交流咧
阮的故鄉在滿州咧