守牛調 (情歌連唱)
滿州聲音博物館(滿州民謠 Manzhou Ballad)
介紹
undefined
...查看更多 收合歌詞
演唱：盧美枝、廖王洋月、謝幼女、宋芳文
彈奏：殼仔絃 徐寶發、大廣絃 尤昭明
作詞：
作曲：守牛調
歌詞：
1.
海湧潑來白蒼蒼咧
魚蝦落水變身紅咧
我君今年較落難咧
跋落古井無人牽咧
海湧潑來白波波咧
八仙過海騎白鶴
阿娘佮君有正好咧
分開拆散無奈何咧
2.
燈火無油打坦緊咧
高田無水牛踏車咧
我君今年較散赤咧
望你阿娘半交賖咧
阿娘店在是下港咧
日日出門要落田
做著換田望後冬咧
嫁著壞翁一世人咧
3.
君娘姻緣天註定咧
不是媒人腳賢行咧
娶來翁某若打拼咧
日後就有好名聲咧
紅頂四轎扛未正咧
透暝暗暗隨人行
想欲嫁翁來好命咧
嫁了翁婿正知影咧
4.
有錢講話會大聲咧
無錢講話人未聽咧
現實社會是有影咧
散赤街市無人行咧
有錢烏龜坐大廳咧
無錢秀才得人驚
人若落魄無聽行咧
阿娘望君來痛兄咧