邵大倫 - 三聲再無奈

專輯 台語味邵袂停(咳咳咳咳咳)
分類 Pop
發佈 2018 年 4 月 26 日

邵爺

音樂人
播放次數

0


喜歡

0


轉貼

0


獲獎紀錄
  • 編輯嚴選
  • Song of The Day

播放

三聲再無奈

天公伯仔你敢是刁故意 阮出世哪無含著金湯匙
無哪會別人生活彼四序 阮的三頓是佇佗位
看人推的是山珍海味 阮是逐工SEVEN 無就泡麵
看人逐暗無閒咧蹔PARTY 阮的房間只有三四坪

*三聲無奈我哭悲哀
毋通仝款的表情仝款的所在
毋通予家己繼續關佇籠仔內
喔喔喔~三聲無奈我哭悲哀
敢講繼續閣佇遮戇戇咧等待
佗位才是阮夢中幸福的境界

RAP:悲哀悲哀加喝一聲悲哀
這條古錐的番薯哪會生甲愈來愈歪
這到底是人的命好 抑是咱的命歹
啊無哪會攏承無半點仔祖公仔屎
欲來去蹛踮人咧講的信義豪宅
遐空氣聽講較貴我欲來去試看覓
無的確好運 連鞭會出運
會當變成一个好額人尹兜的囝婿

古早古早定定共阮教示 講若是骨力就毋驚歹八字
嘛叫咱著愛安分佮守己 千萬毋通做歹代誌
食好食醜無啥物好比 感恩知足就是上好的滋味
毋免欣羨別人外表媠媠 想空想縫 來迷失自己

*三聲無奈

我哭悲哀(我哭悲哀)
毋通仝款的表情(仝款的表情)
仝款的所在(仝款的所在)
毋通予家己繼續關佇籠仔內
(毋通予 毋通予 家己關佇籠仔內)
喔喔喔~三聲無奈我哭悲哀
(無奈 我哭悲哀 ya~oh~ )
敢講繼續閣佇遮戇戇咧等待
佗位才是阮夢中幸福的境界

RAP:
樓仔厝 是一直起 冬天若來會較好覕
因為有錢予人判生 無錢予人判死
這敢毋是社會常常教咱的道理
所以這个美夢上好一直做落毋通清醒
我甘願用我一生交換幸福的一暝
時也 運也 人咧講的命啊
這个世界哪會猶有遮濟遮濟哀悲 (遮濟的哀悲)

*三聲無奈 (三聲啊無奈)
我哭悲哀 (我哭你哭攏來哭悲哀)
毋通仝款的表情(啥物款的表情)仝款的所在(啥物款的所在)
毋通予家己繼續關佇籠仔內 (予家己關佇籠仔內)
喔喔喔~三聲無奈(一聲二聲三聲再無奈)
我哭悲哀 (哭 哭 有啥物好哭)
敢講繼續閣佇遮戇戇咧等待 (Oh~~~Ya~~)
佗位才是阮夢中幸福的境界