蓮花空行

作詞作曲 Composer & Lyricist／王家權 Hunter Wang
編曲 Arranger／王家權 Hunter Wang、夏子 Natsuko
技術製作 Technical Co-Producer／柯拓名（小名）Ming Ke @Studio51

主唱 Vocalist／夏子 Natsuko、王家權 Hunter Wang
電吉他 Electric Guitarist／王家權 Hunter Wang

客座樂手 Guest Player
貝斯 Bassist／程杰 Jay Cheng
弦樂編修 Strings Rearranger／陳彥竹 Ian Chen

錄音工程師 Recording Engineer／柯拓名（小名）Ming Ke @Studio51
剪輯工程師 Editing Engineer／柯拓名（小名）Ming Ke @Studio51
混音工程師 Mixing Engineer／柯拓名（小名）Ming Ke @Studio51

插圖 Art／夏子 Natsuko
台語歌詞顧問 Lyrics Supervisor／李勤岸 Lí Khîn-huānn

經紀人 Manager／小夏 Summer
特別感謝 Special Thanks／張浩嘉 HaoChia、汪博緯 Bryan（有鼓氣音樂 BACKBONE MUSIC）以及賴聖文 Peter Lai 提供爵士鼓技術支援

蓮花空行（Liân-hue Khong-hīng）

＊「由本自性清淨故，令諸愛染悉無垢。」

又閣是彼个 無代無誌想著的形影
Iū-koh sī hit ê, bô-tài-bô-tsì siūnn tio̍h ê hîng-iánn
親像一陣風 吹落來 是春風少年
Tshin-tshiūnn tsi̍t tsūn-hong, tshue loh lâi, sī tshun hong siáu-liân

坐嘛是思念 坐袂牢 真無聊的思念
Tsē mà-sī su-liām, tsē bē tiâu, tsin bô-liâu ê su-liām
倒咧眠床頂 予月娘 笑規个暗暝
Tó leh bîn-tshn̂g tíng, hōo gue̍h-niû tshiò kui-ê àm-mî

我行過你的世界
Guá kiânn-kuè lí ê sè-kài
啥物我攏無愛
Siánn-mih guá lóng bô ài
只想欲佇你心內（寫一條歌）
Tsí siūnn beh tī lí sim-lāi（siá tsi̍t tiâu kua）

車行過 in 的期待
Tshia kiânn-kuè in ê kî-thāi
這站閣無落來
Tsit tsām koh bô loh-lâi
無想欲對誰交代（心內驚驚）
Bô siūnn beh tuì siáng kau-tài（sim-lāi kiann-kiann）

想著我彼暗小可仔歹勢
Siūnn-tio̍h guá hit-àm sió-khuá-á pháinn-sè
予你揣著我
Hōo lí tshuē-tio̍h guá
規身軀藏無好勢的委屈
Kui-sing-khu tshàng bô hó-sè ê uí-khut

風中的飛龍咧吼
Hong-tiong ê hui-liông leh háu
聲聲予天搖地動
Siann-siann hōo thinn-iô tē-tāng
愛你的傳說寫佇頂懸
Ài lí ê thuân-suat siá tī tíng-kuân
感情紲來愈飛愈懸
Kám-tsîng sua-lâi lú-pue lú-kuân

花開佇你蹛的樓
Hue khui-tī lí tuà ê lâu
想當時欲綴你走
Siūnn tong-sî beh tuè lí tsáu
多情的雨崁著目睭
To-tsîng ê hōo kham tio̍h ba̍k-tsiu
你的代誌講袂清楚
Lí ê tài tsì kóng bē tshing-tshó

看你行過千山萬水
Khuànn lí kiânn-kuè tshian-san-bān-suí
手內薔薇微微仔芳
Tshiú-lāi tshiông-bî bî-bî-á phang
行踏輕鬆跤步的我
Kiânn ta̍h khin-sang kha-pōo ê guá
恬恬佇遮攏無出聲
Tiām tiām tī tsia lóng bô tshut-siann

日子過一工閣一工
Ji̍t-tsí kuè tsi̍t-kang koh tsi̍t-kang
你的一切攏猶未放
Lí ê it tshè lóng iá-buē pàng
越頭欲揣過去的我
Ua̍t thâu beh tshuē kuè-khì ê guá
煞來袂記家己的名
Suah-lâi bē kì ka-kī ê miâ

是我欲陪你流浪
Sī guá beh puê lí liû-lōng
長路終點滿天花雨
Tn̂g-lōo tsiong-tiám muá-thinn hue-ú
雺霧內底戇神
Bông-bū lāi-té gōng-sîn
千年流轉你的世界
Tshian-nî liû-tsuán lí ê sè-kài
自作多情的人
Tsū-tsok-to-tsîng ê lâng
眼前地獄家己揀的
Gán-tsiân tē-ga̍k ka-kī kíng ê
天上 地下 人間
Thian-siōng, tē-hā, jîn-kan
四方妖孽請恁退下
Sù-hong iau-gia̍t tshiánn lín thè-hā

這繁華世間
Tse huân-hua sè-kan
眾生有情人
Tsiòng-sing ū-tsîng-lâng
有情纏煩惱（甘願受罪）
Ū-tsîng tînn huân-ló（kam-guān siū-tsuē）

心狂火著
Sim-kông hué-to̍h
明知會艱苦
Bîng tsai ē kan-khóo
千錯萬錯 （攏佮你無關）
Tshian-tshò-bān-tshò（lóng ka̍h lí bô-kuan）