四季春 (十月病子恩愛夫妻情)
滿州聲音博物館(滿州民謠 Manzhou Ballad)
介紹
undefined
...查看更多 收合歌詞
演唱：吳秀碧、張日貴
彈奏：朱丁順
作詞：不可考
作曲：四季春
歌詞：
正月病子在啊心內
若欲講出驚人啊知
看著物件逐項啊愛
想欲叫君買啊返來
我娘欲買驚啊壞勢
若喫著講甚麼啊個
君買物件歸啊大下
愛喫汝著自啊己提
二月病子人愛啊睏
三頓靡飯無啊愛吞
想喫白糖泡藕啊粉
想欲君買幾啊碗份
一碗藕粉泡啊涱涱
白糖趕緊滲較啊甜
君問我娘甚啊麼病
面色安怎此啊爾青
三月病子人愛啊睏
腳手痠軟頭啊暗眩
愛喫樹梅鹽七啊珍
想欲君買歸啊內面
我君想欲加娘啊問
面色安怎此啊親黃
專喫酸澀不喫啊飯
想著心頭替啊娘酸
四月病子人畏啊寒
趕緊棉被提啊來披
時常愛睡白波啊涎
想吃竹筍滾啊魚干
我君看娘瞑日啊睏
靡飯半嘴不啊愛吞
欲喫魚干滾竹啊筍
趕緊提錢買啊來滾
五月病子真淒啊慘
愛喫仙楂與啊油柑
姊妹相招來相啊探
叫咱鴨母滾啊烏蔘
我君看娘瘦落啊肉
嘴涎唾到歸啊土腳
靡飯不喫干擔啊飽
欲喫油柑與啊仙楂
六月病子真愛啊笑
不時眠床顧啊調調
愛喫匏仔與水啊茄
三頓無喫不啊知飫
看娘酸澀喫不啊倦
著請先生勿啊遷延
君到今日正看啊見
腹肚何時彼啊大塊
七月病子病無啊病
無時無日想啊喫甜
腹肚一日一日啊涱
勸君不免請啊先生
斟酌加娘來看啊覓
正知娘子有啊懷胎
頂重下輕行不啊走
請人替娘是啊應該
八月病子正艱啊苦
腳痠手軟穡啊不摸
心肝想欲來省啊步
愛喫馬薯炒啊香菇
君緊發落去料啊理
加炒香菇摻啊馬薯
心內悶悶是歡啊喜
不知日落佇啊當時
九月病子正實啊說
打算敢是落啊後月
趕緊買菜幾阮啊配
今日欲喫一啊寡糜
醬瓜滾肉好不啊好
敢是較鹽喫啊不落
後日著有子來啊抱
免得四累諷啊笑無
十月病子欲落啊胎
人真艱苦報啊君知
去叫產婆來看啊覓
會得著時來啊轉臍
腹內子兒來發啊作
拜託隔壁叫啊產婆
看娘怕摔真煩啊惱
恨咱家小腳啊手無
敢會為子無性啊命
阿君汝是不啊知驚
腹內翻絞僥倖啊痛
痛到講話不啊出聲
廳頭輕香燒三啊支
祈求正神相啊扶持
是男是女緊出啊世
不當延遷正啊辰時